U Breście zapłanavana budaŭnictva akvaparka
Zajavu, što ŭ Breście moža źjavicca akvapark, zrabiŭ kiraŭnik horada Siarhiej Łabadzinski na sustrečy z błohierami 9 maja, piša Blizko.by.
Zdymak ilustracyjny. Fota: freepik.com
«Dla nas heta aktualnaja tema, my nie adychodzim ad jaje. Adzin z takich punktaŭ jość — heta paŭdniovy zachad, novy mikrarajon. Jon budzie zabudoŭvacca da kalca na Varšaŭcy. I ŭ hetaj zonie na supraćlehłym baku — u pojmie raki ŭ ramkach raspracoŭki hienieralnaha płana budziem adpracoŭvać mahčymaść pasadki i ŭparadkavańnia hetaj terytoryi z budaŭnictvam akvaparka», — paviedamiŭ čynoŭnik.
Pakul što najbližejšy dla žycharoŭ Bresta akvapark raźmieščany ŭ Kobrynie.
Taksama ŭ najbližejšy čas u Breście zapłanavana budaŭnictva Wellness SPA-centra, jaki ŭklučaje zony vodnych zabaŭ i sučasnyja SPA-pracedury. Adkryćcio čakajecca ŭ pieršym kvartale 2026 hoda.
Raniej paviedamlałasia pra namiery pabudavać akvaparki i ŭ inšych biełaruskich abłasnych centrach — Viciebsku, Homieli i Hrodnie.
Čytajcie taksama:
U Homieli i Hrodnie buduć rabić akvaparki
U Viciebsku buduć budavać akvapark
U Minsku śviatar aśviaciŭ akvapark z 10-mietrovaha tramplina