Niadaŭna stała viadoma pra płany miascovych uładaŭ pabudavać akvapark u Viciebsku. Ale akazałasia, što i ŭ inšych abłasnych centraŭ jość takija samyja namiery.
Na staroncy ŭ instahramie homielskaha haradskoha vydańnia «Biełka» sa spasyłkaj na načalnika Homielskaha haradskoha ŭpraŭleńnia architektury i budaŭnictva Andreja Marozava paviedamlajecca, što ŭ horadzie šukajuć inviestara dla hetych metaŭ.
Hetaja ideja ŭžo nie novaja, spačatku homielski akvapark chacieli pabudavać u rajonie Vałataŭskich azior, ale inviestar dla hetaha tak i nie znajšoŭsia. Ciapier dla hetych metaŭ prapanujuć inšuju placoŭku — ziamielny ŭčastak u Lubienskim mikrarajonie.
Aŭkcyjon raźličvajuć pravieści ŭ pieršym paŭhodździ, i ŭ im nibyta majuć namier uziać udzieł surjoznyja inviestary.
U toj ža čas u telehram-kanale «Hrodno. Hłavnoje!» pišuć pra budučaje źjaŭleńnie novaha akvaparku i ŭ Hrodnie. Praŭda, admysłova jaho budavać nie buduć, a pieraprafilujuć basiejn «Łazurny», jaki ciapier znachodzicca na rekanstrukcyi. Paśla jaje zaviaršeńnia abjekt stanie ŭklučać u siabie niekalki basiejnaŭ, u tym liku spartyŭny i z atrakcyjonami dla dziaciej i darosłych, džakuzi, SPA-zonu z roznymi vidami łaźniaŭ: ad ruskaj łaźni da alpijskaj sauny.
Adkryćcio rekanstrujavanaha «Łazurnaha» zapłanavanaje na viasnu 2026 hoda.
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym8
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary