Valeryj Piaŭnicki zvolnieny z pasady hałoŭnaha treniera žanočaj zbornaj Biełarusi pa handbole. Niadaŭna jon pazityŭna vykazaŭsia pra ŁHBT
Zamiest Piaŭnickaha kamandu ŭznačaliŭ Ihar Papruha. Raniej jon nikoli nie pracavaŭ z žanočymi kamandami, adznačaje «Trybuna».
Valeryj Piaŭnicki
64-hadovy Valeryj Piaŭnicki kiravaŭ žanočaj handbolnaj zbornaj amal 15 hadoŭ — z červienia 2010 hoda. Na hetaj pasadzie ŭ jaho była nieadnaznačnaja reputacyja. Raniej adrazu niekalki handbalistak admovilisia pryjazdžać da jaho ŭ nacyjanalnuju kamandu.
U toj ža čas jon mieŭ libieralnaje staŭleńnie da seksualnych mienšaściaŭ, u zusim niadaŭnim intervju vykazaŭšysia pra leśbijanak:
«Davoli raspaŭsiudžanaja źjava za miažoj, u mianie ŭ kožnaj kamandzie byli takija dziaŭčaty. Dy i ŭ našych taksama. Ale ja narmalna da hetaha staŭlusia.
Dakazana ž, što 10% nasielnictva płaniety adčuvaje ciahu da pradstaŭnikoŭ svajho połu, i mianie zaŭsiody zamiłoŭvajuć sproby kahości ŭziacca hety praces rehulavać», — skazaŭ trenier.
Paśla lutaha 2022 hoda zbornaja Biełarusi pa handbole adchilenaja ad mižnarodnych spabornictvaŭ. U kancy 2024 hoda Piaŭnicki zajaviŭ, što ŭžo stamiŭsia hulać sa zbornaj Rasii.
Čytajcie taksama:
Siabar maładości Łukašenki zastaŭsia kiraŭnikom fiederacyi handboła. Jon kiruje z 2006 hoda
U Hrodzienskaj vobłaści bankrutuje kampanija viadomaha handbalista