Jeŭrapiejski sud pa pravach čałavieka adchiliŭ skarhu Volhi Karač
Jeŭrapiejski sud pa pravach čałavieka adchiliŭ skarhu Volhi Karač na toje, što Litva admoviła joj u palityčnym prytułku, daviedałasia «Jeŭraradyjo».
Volha Karač
«Zajava, pra jakuju vy pytajeciesia, pryznanaja nieprymalnaj adnaasobnym sudździoj (declared inadmissible by a single judge formation) u studzieni 2025 hoda», — skazana ŭ adkazie, jaki «Jeŭraradyjo» atrymała z pres-słužby JESPČ.
Heta niaredkaja farmuloŭka ŭ praktycy mižnarodnych sudovych orhanaŭ. Słovy declared inadmissible aznačajuć, što sud pryjšoŭ da vysnovy, što skarha nie padlahaje razhladu. Heta moža adbycca praz adsutnaść prykmiet parušeńnia pravoŭ, vidavočnuju nieabhruntavanaść i h.d.
Słovy by a single judge formation aznačajuć, što rašeńnie pryniataje biez sklikańnia kalehii. Pa praviłach JESPČ niekatoryja skarhi moža adchilać adzin sudździa, kali jany jaŭna nieprymalnyja.
U žniŭni 2023 hoda Departamient mihracyi Litvy admoviŭ Karač u prytułku, bo Departamient dziaržbiaśpieki paličyŭ jaje pahrozaj nacyjanalnaj biaśpiecy — praź jaje suviazi z rasijskaj raźviedkaj. Ale aktyvistka atrymała časovy DNŽ u Litvie na humanitarnych padstavach.
Čytajcie taksama:
U čym trahiedyja Volhi Karač. Tłumačyć Andrej Stryžak
Ziankovič: Biezumoŭna, ja b nie pajechaŭ u Maskvu pad harantyi Volhi Karač
Volha Karač pachvaliłasia novaj pracaj. Jana źviazana ź jadziernaj zbrojaj
Volha Karač: Na mirnych pieramovach Biełaruś pavinien pradstaŭlać Paźniak. A Cichanoŭskaja słabaja
Biełaruskija anarchisty narakajuć, što Volha Karač sprabuje stać hałoŭnaj anarchistkaj krainy