Volha Karač: Na mirnych pieramovach Biełaruś pavinien pradstaŭlać Paźniak. A Cichanoŭskaja słabaja
«Radyjo Svaboda» ŭziało intervju ŭ Volhi Karač, jakaja padzialiłasia aryhinalnym pohladam na toje, jak Biełaruś pavinna być pradstaŭlenaja na mirnych pieramovach pamiž Rasijaj i Ukrainaj, jakija, vierahodna, mohuć pačacca ŭ nastupnym hodzie.
Pavodle Karač, Biełaruś pavinny być pradstaŭlenaja na mirnych pieramovach, voś tolki, maŭlaŭ, ciapier ni ŭ kaho niama lehitymnaści. Niejkija padstavy dla prysutnaści tam, na jaje dumku, jość tolki ŭ adnaho čałavieka:
«Na pieramovach dakładna pavinien być Zianon Paźniak. Heta čałaviek, jaki zmahaŭsia za niezaležnaść Biełarusi. Ja liču, što ŭ hetych pieramovach jon budzie jak nichto abaraniać nacyjanalnyja intaresy Biełarusi. Chto jašče — treba dumać, ale Zianon Paźniak pavinien być u hetaj delehacyi».
Adnosna svajho asabistaha ŭdziełu jana nie nastolki kateharyčnaja i ŭpeŭnienaja:
«Ci pavinna ja tam być ci nie, čas pakaža. Heta zaležyć ad taho, nakolki my zmožam antyvajenny ruch zrabić sapraŭdy mocnym, ci zmožam nacisnuć na zachodnija krainy, kab antyvajennyja pradstaŭniki byli ŭklučanyja ŭ hetuju delehacyju».
Zatoje vialikaja ŭpeŭnienaść u Karač źjaŭlajecca, kali havorka idzie pra toje, ci mohuć u takich pieramovach udzielničać Śviatłana Cichanoŭskaja, jaje Ofis, Abjadnany pierachodny kabiniet, Kaardynacyjnaja rada. Tut adkaz adnaznačny:
«Jany słabyja. Nie, kaniečnie».
Maŭlaŭ, na pieramovach buduć siadzieć «suśvietnyja «zubry» ź vialikim dośviedam žorstkich pieramovaŭ», i «ŭ hetaj situacyi ź biełaruskaha boku pavinny być ludzi, jakija nie bajacca adstojvać nacyjanalnyja intaresy Biełarusi».
Śviatłana Cichanoŭskaja, jak śćviardžaje Karač, «nie moža adstajać nacyjanalnyja intaresy biełarusaŭ navat u Litvie», tamu jana i za toje, kab delehacyju demakratyčnych siłaŭ uznačalvaŭ Zianon Paźniak, bo jon «budzie adstojvać biełarusaŭ da apošniaj kropli kryvi. I jon nie sastupić ničoha».
Mikita Miełkazioraŭ raskazaŭ, jak jaho «pakusaŭ» Zianon Paźniak
Aleksijevič: Paźniak nijak nie moža pahadzicca, što jaho čas prajšoŭ
Paźniak pra Kaleśnikavu: Niama adkazu na pytańnie, navošta ź jaje ŭparta raskručvajuć revalucyjaniera i lidara
Navumčyk pra rezkija zajavy Paźniaka: Jaho nie cikavić imidž, jon kaža toje, što nie havorać inšyja
Zianon Paźniak: Chto moža zamianić Łukašenku? Realna — nichto
Ciapier čytajuć
Kačanava prapanavała ŭvieści adkaznaść za «niapraŭdu ŭ tyktoku»12
Kačanava prapanavała ŭvieści adkaznaść za «niapraŭdu ŭ tyktoku»
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary
Navat zza palitkarektnaści " abjektyvizma" zaprašać Olu Karač na " Svabodu" pa biełaruski heta......strata Reputacyi.
Pierudrukoŭvać?? Na " ch.ia97" Radzinaj ..naturalna