Ziankovič: Biezumoŭna, ja b nie pajechaŭ u Maskvu pad harantyi Volhi Karač
Były palitviazień ličyć, što pajezdka ŭ Rasiju ŭ krasaviku 2021 hoda była apraŭdana ryzykoŭnaj: «Heta častka palityčnaj baraćby. Časam davodzicca płacić vysokuju canu».
Były palitviazień Juraś Ziankovič, vyzvaleny pa prośbie ZŠA, praciahvaje asensoŭvać abstaviny svajho zatrymańnia ŭ Maskvie ŭ krasaviku 2021 hoda.
U kamientarach u fejsbuku da dopisa Andreja Stryžaka palityk jašče raz raskazaŭ pra pryčyny, čamu palacieŭ u Rasiju, i prakamientavaŭ lehiendarny miem pra «harantyi Volhi Karač», zapuščany Iharam Makaram.
Čytajcie taksama: Makar rassvaryŭsia z Karač i zajaviŭ, što Ziankovič palacieŭ u Maskvu pad jaje harantyi biaśpieki
«Volha Karač nie ŭdzielničała ŭ našych spravach, tamu što było pryniataje rašeńnie jaje nie zaprašać. Mahu apublikavać videa narady, dzie było pryniataje takoje rašeńnie. Jana nie viedała nijakich padrabiaznaściaŭ, i, biezumoŭna, ja b nie pajechaŭ u Maskvu pad jaje harantyi.
Harantyi byli nastupnyja:
1. Ja pravieryŭ, što ŭ Biełarusi nie fihuruju ŭ kryminalnych spravach (sprava pa 369-m artykule była ŭzbudžanaja «pa fakcie», a nie suprać mianie);
2. Ja patelefanavaŭ ludziam z Fondu Mira i spytaŭsia, ci biaśpiečna mnie jechać u Maskvu — tam mnie skazali, što nie harantujuć biaśpieki na 100%, ale, pa ich infarmacyi, mianie nichto nie šukaje;
3. Byŭ jašče adzin čałaviek (jon viedaje, chto jon i što jon zrabiŭ), jaki skazaŭ, što pa infarmacyi ad jaho krynic u rasijskich viarchach, jechać možna.
Pieršaja pravierka akazałasia pravilnaj — infarmacyja paźniej paćvierdziłasia. Druhaja pravierka taksama akazałasia pravilnaj — hetyja ludzi nie mieli dostupu da infarmacyi FSB, ale zrabili najlepšuju pravierku dla mianie, jakuju mahli. U mianie da ich pretenzij niama. Treciaja pravierka — akazałasia, što hetamu čałavieku hnali dezu z Maskvy i razvodzili jaho. Potym infarmacyja pra hetyja razvody była apublikavanaja ŭ ŚMI.
Takim čynam, pa stanie na pačatak krasavika 2021-ha hodu, z ulikam najaŭnaj infarmacyi, pajezdka była ryzykoŭnaj, ale apraŭdana ryzykoŭnaj. I tamu ja vyrašyŭ jechać. Prosta praciŭnik spracavaŭ lepš, čym my. Takoje byvaje ŭ žyćci, i heta častka palityčnaj baraćby. Davodzicca časam płacić vysokuju canu. Što było, toje było».
Čytajcie taksama: Chto takaja Volha Karač, jakaja choča padsiadzieć Cichanoŭskuju?
Ziankovič: Łukašenka spačatku daŭ mnie i Fiadutu mianušku Vini-Puch, a paśla nazvaŭ Usamam bien Ładenam
Juraś Ziankovič raskazaŭ pra svajo vyzvaleńnie i šlach u ZŠA
Ziankovič pra Vieramiejčyka: Užyvali fizičny hvałt, kab prymusić jaho skazać na BT toje, što chočuć pačuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie
Stała viadoma, što ciapier adbyvajecca z palitviaźniem Jurasiom Ziankovičam, jakoha vyzvalili pa prośbie ZŠA
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary