Pad Dobrušam dyrektarka ahrapradpryjemstva dva miesiacy źbivała hałoŭnuju buchhałtarku
Prakuratura Homielskaj vobłaści nakiravała ŭ sud Dobrušskaha rajona kryminalnuju spravu ŭ dačynieńni da dyrektarki adnaho ź miascovych ahrarnych pradpryjemstvaŭ. Pavodle infarmacyi prakuratury, u studzieni-lutym 2024 hoda 42-hadovaja žančyna, jakaja zajmałasia roznymi machinacyjami, da ŭsiaho inšaha jašče i źbivała hałoŭnuju buchhałtarku svajho pradpryjemstva.
Pavodle materyjałaŭ kryminalnaj spravy, dyrektarka dla ŭtojvańnia padziažu 384 hałoŭ bujnoj rahataj žyvioły z kastryčnika 2012 hoda pa sakavik 2024 hoda davała niezakonnyja vusnyja rasparadžeńni i instrukcyi bryhadziram małočna-tavarnych fiermaŭ, kab jany padrablali dakumienty.
Padnačalenyja rehularna składali i ŭnosili chłuślivyja źviestki i zapisy ŭ štomiesiačnyja spravazdačy pra kolkaść padziažu. Paśla jany pieradavali dakumienty ŭ buchhałteryju pradpryjemstva.
Supracoŭnikaŭ pradpryjemstva abvinavacili ŭ słužbovym padrobcy (č. 1 art. 427 KK Biełarusi). Maksimalnaje pakarańnie za heta — pazbaŭleńnie voli na termin da dvuch hadoŭ.
A ŭ studzieni i lutym 2024 hoda dyrektar nie mienš za čatyry razy ŭdaryła hałoŭnuju buchhałtarku pa roznych častkach cieła, arhumientujučy heta nienaležnym vykanańniem hetym supracoŭnikam słužbovych abaviazkaŭ, śćviardžajuć u prakuratury.
«Svaimi dziejańniami jana pryčyniła paciarpiełaj fizičny bol i paboi», — dadali tam.
U vyniku žančynu abvinavacili pavodle č. 2 i č. 3 art. 426 (pieravyšeńnie słužbovych paŭnamoctvaŭ z karyślivaj i inšaj asabistaj zacikaŭlenaści, a taksama spałučanych z hvałtam) Kryminalnaha kodeksa.
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary