U Lidskim rajonie mužčyna žyŭcom spaliŭ svajho znajomaha

U Lidskim rajonie mužčynu abvinavačvajuć u žorstkim zabojstvie znajomaha. Sprava 57-hadovaha miascovaha žychara ŭžo pieradadziena ŭ sud, piša BiełTA.

Fota ilustracyjnaje

Zhodna z materyjałami śledstva, 27 kastryčnika 2024 hoda padčas svarki pjany mužčyna niekalki razoŭ udaryŭ svajho znajomaha pa tvary. Toj upaŭ na padłohu i straciŭ prytomnaść.

Skarystaŭšysia tym, što paciarpieły nie moh abaranicca, napadnik pieraciahnuŭ jaho na kuchniu, padpaliŭ anuču i kinuŭ jaje na cieła mužčyny. Uspychnuŭ pažar, i čałaviek zahareŭsia.

Susiedzi vyklikali ratavalnikaŭ i chutkuju, ale vyratavać paciarpiełaha nie ŭdałosia — jon pamior u balnicy ad atrymanych ciažkich apiokaŭ.

U prakuratury pahadzilisia z tym, što dziejańni abvinavačanaha treba kvalifikavać jak zabojstva z asablivaj žorstkaściu, niebiaśpiečnym sposabam i ŭ dačynieńni da biezdapamožnaj asoby. Mužčynu buduć sudzić pa adpaviednych artykułach Kryminalnaha kodeksa.

Kamientary da artykuła