Biełaruś ekstradavała ŭ Rasiju ŭdzielnika złačynnaj bandy «Ify-Kazłova»
Biełaruś ekstradavała ŭ Rasiju ŭdzielnika rasijskaj złačynnaj bandy «Ify-Kazłova». Padrabiaznaści paviedamili ŭ pres-słužbie Hienieralnaj prakuratury.
U paviedamleńni skazana, što Hienprakuratura Biełarusi zadavoliła zapyt Hienprakuratury Rasii, źviazany z vydačaj dla pryciahnieńnia da kryminalnaj adkaznaści adnaho z udzielnikaŭ hrupoŭki «Ify-Kazłova».
Adznačajecca, što asobie, jakaja padlahaje vydačy, u Rasii inkryminavana ździajśnieńnie ciažkich złačynstvaŭ: bandytyzm, zabojstva, zachop zakładnikaŭ, udzieł u złačynnaj arhanizacyi.
U Hienieralnaj prakuratury adznačyli, što kryminalnaja hrupoŭka była stvorana ŭ 1995 hodzie ŭ rasijskaj Varkucie. Jana dziejničała da 1 sakavika 2012 hoda.
Fihurant z 2012 hoda byŭ u vyšuku, u tym liku mižnarodnym. Jon chavaŭsia ad siłavikoŭ, adnak u studzieni 2025 hoda byŭ zatrymany na terytoryi Biełarusi.
«Pa daručeńni Hienieralnaj prakuratury adznačanaja asoba pieradadzienaja Departamientam vykanańnia pakarańniaŭ MUS kanvoju rasijskaha boku», — adznačyli ŭ pres-słužbie.
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary