Kala čaćviertaj hadziny ranicy ŭ RAUS Dubrovienskaha rajona źviarnuŭsia taksist z Oršy, jaki zajaviŭ pra ŭzbrojeny napad, paviedamlaje viciebskaja milicyja.
Pavodle słoŭ paciarpiełaha, usio pačałosia z vykliku ŭ Oršy kala troch hadzin nočy. Pasažyr paprasiŭ advieźci jaho ŭ adzin z ahraharadkoŭ Dubrovienskaha rajona.
Prybyŭšy na miesca, mužčyna zajaviŭ, što ŭ jaho niama najaŭnych, zajšoŭ u dom, a zatym raptoŭna napaŭ na kiroŭcu. Złačyniec, pahražajučy pradmietam, padobnym na pistalet, prymusiŭ taksista ŭvajści ŭ žyllo.
Tam jon dastaŭ nož i pad pahrozaj zabojstva zabraŭ u kiroŭcy 250 rubloŭ. Skarystaŭšysia momantam, taksist zmoh vybiehčy z doma i źjechać na svaim aŭtamabili.
Užo praź dźvie hadziny pry siłavoj padtrymcy bajcoŭ AMAP padazravany byŭ zatrymany. Im akazaŭsia 33-hadovy aršaniec, niepracujučy i raniej nieadnarazova sudzimy.
U dačynieńni da mužčyny śledčymi zaviedziena kryminalnaja sprava za razboj.
Fihurantu pahražaje da 15 hadoŭ pazbaŭleńnia voli.
Ciapier čytajuć
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj13
Kamientary