Pieramožca sioletniaha «Jeŭrabačańnia» choča, kab nastupnaje prajšło biez udziełu Izraila
Pieramožca «Jeŭrabačańnia-2025», aŭstryjski śpiavak JJ (Džej Džej), vystupiŭ za toje, kab Izrail nie dapuskali da ŭdziełu ŭ konkursie ŭ 2026 hodzie z-za vajny ŭ siektary Haza. U intervju ispanskaj haziecie El Pais jon zajaviŭ, što chacieŭ by bačyć nastupny konkurs u Vienie, ale biez udziełu Izraila, piša Reuters.
Aŭstryjski śpiavak JJ (Džej Džej) paśla pieramohi na «Jeŭrabačańni-2025». Fota: AP Photo/Martin Meissner
Konkurs «Jeŭrabačańnie» aficyjna zastajecca pa-za palitykaj, ale sioleta jon znoŭ apynuŭsia ŭ centry sprečak, źviazanych z vajennym kanfliktam u siektary Haza.
Choć prapaleścinskija aktyvisty zaklikali Jeŭrapiejski viaščalny sajuz vyklučyć Izrail z konkursu 2025 hoda, izrailski pradstaŭnik Juval Rafael, jakaja vyžyła padčas napadu 7 kastryčnika, pieramahła ŭ hladackim hałasavańni i zaniała druhoje miesca paśla JJ.
JJ (sapraŭdnaje imia — Jahanes Pitš), jaki pieramoh ź pieśniaj Wasted Love, taksama vykazaŭsia za źmienu sistemy padliku hałasoŭ dziela bolšaj prazrystaści.
Jon staŭ trecim pradstaŭnikom Aŭstryi, jaki pieramoh u samym bujnym muzyčnym konkursie ŭ śviecie, što hladziać bolš za 160 miljonaŭ čałaviek.
Izrailskaja ambasada ŭ Madrydzie pakul nie kamientavała zajavu JJ.
Čytajcie taksama:
Na Jeŭrabačańni vyjhrała Aŭstryja
Vyznačylisia ŭsie finalisty «Jeŭrabačańnia-2025»
Zapalnyja šviedy, viasiołyja estoncy, Izrail rvie serca: siońnia zachaplalny finał Jeŭrabačańnia