U šviejcarskim Bazieli ŭviečary ŭ čaćvier prajšoŭ druhi paŭfinał piesiennaha konkursu «Jeŭrabačańnie», pa vynikach jakoha ŭ finał vyjšli 10 kankursantaŭ.
U jaho trapili pradstaŭniki Armienii, Aŭstryi, Danii, Finlandyi, Hrecyi, Izraila, Łatvii, Litvy, Luksiemburha i Malty.
Pakinuli konkurs Aŭstralija, Čechija, Hruzija, Irłandyja, Čarnahoryja i Sierbija.
U pieršym paŭfinale pieramahli Narviehija, Ałbanija, Šviecyja, Isłandyja, Niderłandy, Polšča, San-Maryna, Estonija, Partuhalija i Ukraina.
U hrand-finale, jaki adbudziecca ŭ subotu, voźmuć udzieł 20 pieramožcaŭ dvuch paŭfinałaŭ, a taksama Šviejcaryja, jakaja pieramahła letaś, i «vialikaja piaciorka» krain-zasnavalnic konkursu — Francyja, Hiermanija, Italija, Ispanija i Vialikabrytanija.
Jak paviedamlaje Bi-bi-si Mark Sevidž, 24-hadovaja pradstaŭnica Izraila Juval Rafael vykonvała pieśniu New Day Will Rise na repietycyi ŭ čaćvier dniom, kali šeść čałaviek sa śvistkami i vialikimi paleścinskimi ściahami sprabavali pieraškodzić vystupleńniu.
Pavodle praviłaŭ, dazvolenyja lubyja ściahi, ale jość abmiežavańni pa pamiery. Šviejcarskaja viaščalnaja kampanija SRG SSR, miascovy arhanizatar konkursu, paviedamiła, što hledačoŭ sa ściahami vyvieli z areny «Sankt-Jakobschalle».
Vystupleńnie Rafael u pramym televiaščańni ŭviečary prajšło bieź incydentaŭ.
Kamientary