Palitviaźniu Mikołu Dziadku vystavili novyja abvinavačańni
Pavodle infarmacyi adnaho z telehram-kanałaŭ, blizkaha da siłavych struktur, Dziadku źbirajucca inkryminavać art. 130 č. 3 Kryminalnaha kodeksa — za raspalvańnie rasavaj, nacyjanalnaj, relihijnaj ci inšaj sacyjalnaj varožaści.
Mikoła Dziadok. Fota z sacsietak
U paviedamleńni śćviardžajecca, što Dziadok nibyta pryznaŭ svaju rolu ŭ stvareńni i kiravańni anarchisckimi internet-resursami.
Zatrymali Mikołu Dziadka 11 listapada 2020 hoda. 10 listapada 2021 hoda Minski haradski sud pryhavaryŭ anarchista da 5 hadoŭ kałonii. Jaho pryznali vinavatym pa troch artykułach: zakliki da dziejańniaŭ suprać nacbiaśpieki Biełarusi (častka 3 artykuła 361 KK), udzieł u hrubym parušeńni paradku (častka 1 artykuła 342 KK) i niezakonnyja dziejańni ŭ dačynieńni da haručych rečyvaŭ (Častka 1 artykuła 295-3).
Sioleta 4 krasavika jon pavinien byŭ vyjści na volu, ale zamiest hetaha byŭ pieraviedzieny ŭ SIZA №1 u miežach novaj kryminalnaj spravy pa artykule 411 — za «złosnaje niepadparadkavańnie patrabavańniam administracyi kałonii».
Čytajcie taksama:
Pabačyła śviet kniha Mikoły Dziadka