«Suviaź ź Mikołam pierarvanaja, i jon nie moža kamientavać biahučyja palityčnyja padziei, ale my vyrašyli vydać zbornik jahonych artykułaŭ, napisanych pamiž dvuma turemnymi terminami», — pišuć paplečniki Mikałaja Dziadka, palitviaźnia, žurnalista «Novaha Času», publicysta anarchičnych pohladaŭ.
«Naš paplečnik Mikoła Dziadok znachodzicca ŭ źniavoleńni ŭžo bolš za 4 hady. Jahony termin musiŭ skončycca ŭ krasaviku nastupnaha hoda, ale turemnaja administracyja zaviała na jaho novuju spravu za niepadparadkavańnie», — pišuć układalniki knihi.
«Suviaź ź Mikołam pierarvanaja, i jon nie moža kamientavać biahučyja palityčnyja padziei, ale my vyrašyli vydać zbornik jahonych artykułaŭ, napisanych pamiž dvuma turemnymi terminami.
Mikoła šmat pisaŭ pra anarchizm, supraciŭ, dziaržaŭny hvałt, novaje hramadstva — prostymi słovami, namahajučysia zacikavić svaimi idejami i razvahami zvyčajnych ludziej. U hety zbornik uvajšli najbolš aktualnyja teksty, u tym liku analiz padziej 2020 hoda ŭ Biełarusi, pryčyn milicejskaha sadyzmu, a taksama razvahi ab palityčnym hvałcie».
Układalniki paviedamlajuć, što kniha «Praŭda biez kampramisaŭ» maje zacikavić simpatyzantaŭ anarchizmu i tych, chto stavicca da idei krytyčna, udzielnic pratestaŭ dy ŭsich, chto šukaje šlach da bolš svabodnaj budučyni.
Knihu ŭžo možna zakazać anłajn u Sabataž Dystra — tut.
Chutka jana źjavicca ŭ Vilni (kniharni «Hartajka», The Bookest, Rewind store i Reforum Space Vilnius) i Varšavie (Januškievič, Reforum Space Warsaw).
***
Mikoła Dziadok byŭ zatrymany 11 listapada 2020 hoda i prajšoŭ praz katavańni padčas rejda. Asudžany na piać hadoŭ pazbaŭleńnia voli za svaje publikacyi i krytyku režymu. Vosieńniu 2024 hoda na jaho zaviali novuju spravu za niepadparadkavańnie administracyi turmy.
Na momant vydańnia knihi, jak nahadvajuć jaho paplečniki, Mikoła znachodzicca ŭ adzinočnaj kamiery bolš za paŭtara hoda, a za apošni hod pravioŭ u štrafnym izalatary bieśpierapynna bolš za 124 dni. Raniej Mikoła adsiedzieŭ u turmie piać hadoŭ (2010-2015) za šerah radykalnych anarchisckich akcyj.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»31
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary