U Homieli pa palityčnych kryminalnych spravach zatrymlivali troch advakataŭ, adzin u SIZA

Na troch homielskich advakataŭ zaviedzienyja palityčnyja kryminalnyja spravy, paviedamiła vydańniu «Pozirk» krynica, znajomaja ź situacyjaj.

Na adnaho z zatrymanych raspačali kryminalnuju sprava pa art. 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich). Pavodle słoŭ krynicy, advakata abvinavacili va ŭdziele ŭ mitynhu vosieńniu 2020 hoda, jaho znajšli pa fatahrafii. Paśla troch sutak utrymańnia ŭ izalatary časovaha ŭtrymańnia advakata adpuścili pad padpisku ab niavyjeździe i nierazhałošvańni materyjałaŭ spravy.

Druhoha advakata abvinavacili ŭ sadziejničańni ekstremisckaj dziejnaści (art. 361 č. 1). Jon «niešta niapravilnaje dzieści napisaŭ u internecie». Hety advakat taksama adpuščany pad padpisku ab niavyjeździe i nierazhałošvańni.

Treci advakat zatrymany pa tym ža artykule, i heta byccam by źviazana sa spravaj ab uzłomie siłavikami čat-bota prajekta «Biełaruski Hajun» (manitorynh aktyŭnaści rasijskich vojskaŭ u Biełarusi). Jon znachodzicca ŭ SIZA.

Jak paviedamlaje inšaja krynica, 23 maja supracoŭniki KDB masava praviarali homielskich advakataŭ na pracoŭnych miescach.

Kamientary da artykuła