Prokurorka, jakaja ŭdzielničała ŭ palityčnych pracesach, stała advakatkaj
Byłaja namieśnica prakurora Frunzienskaha rajona Minska Kryścina Asran na pačatku maja zdała ekzamien na toje, kab pracavać advakatam. Na heta źviarnuŭ uvahu pravaabarončy sajt defendersbelarus.org, piša «Radyjo Svaboda».
Na svajoj papiaredniaj pasadzie Kryścina Asran padtrymlivała dziaržaŭnaje abvinavačańnie ŭ sotniach spraŭ, u tym liku i palityčnych. U pryvatnaści, jana prasiła 3 hady «chimii» dla inžyniera-prahramista Ściapana Čykilova, jakoha źbiŭ mikraaŭtobus padčas pratestaŭ 15 listapada 2020 hoda.
Taksama jana vystupała na baku abvinavačańnia ŭ spravie Julii Aniskievič, jakuju asudzili na dva hady «chimii» za niekalki kamientaroŭ. Pryčym kožny nastupny kamientar razhladali jak paŭtornaje złačynstva, što abciažarvała adkaznaść.
Na pracesie suprać Ihara Pražeńnikava jana prasiła dla jaho paŭtara hoda kałonii za ŭdzieł u pratestach.
Taksama Kryścina Asran vynosiła pradpisańnie pra vypłatu na karyść MNS vydatkaŭ, źviazanych z demantažom ściaha ŭ minskim kvartale «Kaskad».
Pierachod u advakaty supracoŭnikaŭ pravaachoŭnych orhanaŭ — nie redkaść. Bolš za toje, u Biełarusi dla ich stvoranyja lhotnyja ŭmovy ŭvachodu ŭ prafiesiju.
Kamientary
Kali vy im płacicie za abaronu - to tym samym lehitymizujecie uvieś butaforski sudovy praces.
Usie dziejsnyja advakaty Biełarusi, jakija majuć licenziju - heta takija ž złačyncy jak i ich padzielniki prakurory.
"Płochoj i chorošij policiejskij", - u pantamimie sudziliščaŭ, što pravodzić režym. Saŭdzielniki Dziaržaŭnaha Teroru.