Pajšła ŭ bankructva kampanija «Biełryba»
U Biełarusi pačaŭsia praces bankructva adnaho z najbujniejšych vytvorcaŭ rybnaj pradukcyi — AAT «Biełryba». Zajavu razhledzić Ekanamičny sud Minska, paviedamlajecca na sajcie Viarchoŭnaha suda Biełarusi.
Pradpryjemstva mieła bolš za 60 hadoŭ vopytu pracy i było viadomym vytvorcam vendžanaj i vialenaj ryby, rybnych dalikatesaŭ, kansiervaŭ i presiervaŭ. Taksama «Biełryba» zajmałasia impartam marožanaj ryby i morapraduktaŭ.
Handlovaja sietka kampanii ŭklučała firmienny mahazin u Minsku, siekcyi ŭ bujnych staličnych kramach, a taksama kramy ŭ Słucku, Salihorsku i paviljony ŭ inšych haradach.
Składy i filijały «Biełryby» pracavali ŭ abłasnych centrach, Połacku, Baranavičach, Barysavie, Lidzie, Žłobinie, Kalinkavičach — amal va ŭsich bujnych nasielenych punktach krainy.