Starejšy syn Viktara Łukašenki, Alaksandr Łukašenka-małodšy, pracavaŭ u kampanii «Marskija siezony», jakaja naležyć Ludmile Niaronskaj. Pavodle danych, atrymanych ad «KibierPartyzanaŭ», viadoma, što ŭnuk Alaksandra Łukašenki ličyŭsia supracoŭnikam kampanii jak minimum z 27 žniŭnia pa 30 vieraśnia 2024 hoda, piša «Biuro».
Alaksandr Łukašenka-małodšy nie nadta publičnaja piersona i źjaŭlajecca pieravažna tolki na dabračynnych mierapryjemstvach, u jakich udzielničaje jahonaja siamja. Ciapier 20-hadovy syn Viktara Łukašenki vučycca ŭ BDU na anhłamoŭnaj prahramie pa biznes-administravańni.
Kampanija «Marskija siezony» źjaviłasia vosieńniu 2022 hoda, ciapier jana buduje rybapierapracoŭčy zavod u svabodnaj ekanamičnaj zonie «Viciebsk». Firma atrymała roznyja padatkovyja i mytnyja lhoty ad uładaŭ. Akramia taho, dziaržava vydzieliła lhotny kredyt na budaŭnictva zavoda ŭ pamiery 240 miljonaŭ rubloŭ. U hetaj ža kampanii pracuje ziać Viktara Łukašenki — Dźmitryj Dziatłaŭ.
Uładalnica «Marskich siezonaŭ» Ludmiła Niaronskaja daŭno źviazanaja ź siamjoj Viktara Łukašenki. Dzieci Niaronskaj i Łukašenki razam vučylisia ŭ prestyžnaj minskaj himnazii №16. Darečy, tam ža Niaronskaja i Lilija Łukašenka ŭvachodzili ŭ apiakunčuju radu.
U 2019 hodzie Niaronskaja razam z žonkaj i dziećmi Viktara Łukašenki latała na pryvatnym biznes-džecie ź Minska ŭ Dubaj. Na zvarotnym šlachu da ich dałučyŭsia i sam Viktar.
-
«A Łukašenka nie ŭ kursie, adkul byŭ napad na hetu asfaltavanuju darohu?» U vioscy praviali viełaprabieh — ale ŭsia ŭvaha dastałasia darozie
-
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki
-
Minčuki ŭ čacie paskardzilisia na pracu palikliniki. Prapahanda abvinavaciła ŭ čerhach samich naviedvalnikaŭ
Ciapier čytajuć
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7
Kamientary
niebomorie.