Iłan Mask vyrašyŭ adyści ad palityki i viarnucca da svaich prajektaŭ u kosmasie

Pavodle infarmacyi vydańnia The Washington Post, miljarder Iłan Mask vyrašyŭ skaracić svaju palityčnuju aktyŭnaść z-za rasčaravańnia i bojazi za asabistuju biaśpieku. U pačatku tydnia jon aficyjna zajaviŭ, što płanuje tracić značna mienš času i srodkaŭ na palityku, kab skancentravacca na kampanii Tesla i viarnucca da svaich kaśmičnych prajektaŭ.

Iłan Mask. Fota: Beata Zawrzel / Nur Photo via Getty Images

Mask adznačyŭ, što palityka zajmała značnuju častku jaho žyćcia apošnim časam, ale jon rasčaravaŭsia ŭ tym, jak mała jahonaja finansavaja padtrymka moža źmianić palityčnuju sistemu ZŠA. Akramia taho, pavialičyłasia pahroza dla jaho asabistaj biaśpieki i biaśpieki jahonaj siamji.

Asablivaściu hetaj situacyi stała toje, što paśla taho, jak Mask uznačaliŭ novy dziaržaŭny orhan u administracyi Trampa — Departamient efiektyŭnaści dziaržaŭnaha kiravańnia (DOGE), jahonaja kampanija Tesla sutyknułasia z chvalaj napadaŭ: vypadki vandalizmu, napady na aŭtasałony i stancyi zaradki. Heta vyklikała šyrokuju krytyku i niehatyŭny ŭpłyŭ na kurs akcyj kampanii — paśla rostu ŭ 2024 hodzie jany ŭ 2025 hodzie ŭžo ŭpali bolš jak na 55%.

Mask taksama nie čakaŭ takoj asabistaj chvali krytyki, što abrynułasia na jaho asabista i jahony biznes. Ciapier jon płanuje viarnucca da svajoj «marsijanskaj misii».

Jak kažuć nabližanyja da jaho ludzi: «Palityka bolš nie pracuje, vierniemsia da palotaŭ na Mars».

U 2024 hodzie Iłon Mask byŭ adnym z hałoŭnych sponsaraŭ kampanii Donalda Trampa, vydatkavaŭšy, pavodle The New York Times, bolš za $250 miljonaŭ dla zabieśpiačeńnia jahonaj pieramohi.

Kamientary da artykuła