Na čale stvoranaha paśla inaŭhuracyi Donalda Trampa Departamienta ŭradavaj efiektyŭnaści (DOGE) miljarder Iłan Mask mieŭ namier zmahacca ź biurakratyjaj i pavyšać efiektyŭnaść pracy dziaržsłužačych. Ale prynamsi ideja z padačaj dziaržaŭnymi słužboŭcami štotydniovaj spravazdačy ab dasiahnieńniach paciarpieła krach, piša The Washington Post.
Miljarder Iłan Mask, čyj termin dziaržsłužby zakančvajecca ŭ traŭni, hatovy jaje pakinuć, kaža krynica, znajomaja z pazicyjaj miljardera. Pavodle jaje słoŭ, Mask stamiŭsia ad «patoku hrubych i nieetyčnych napadak z boku levych».
Surazmoŭca pierakanany, što adchileńnie Maska nie paŭpłyvaje na DOGE, pakolki kamanda departamienta ŭžo zamacavałasia ŭ mnostvie fiederalnych ahienctvaŭ.
U toj ža čas zakančeńnie dziaržsłužby Maska pavinna pajści na karyść jahonaj kampanii Tesla, jakaja zaznała razburalny ŭpłyŭ asabistaha brenda svajho zasnavalnika. Kampanija «pieratvaryłasia ŭ palityčny simvał administracyi Trampa i DOGE», praz što jaje akcyi sa studzienia patańnieli na 43%, i jana moža stracić da 20% budučaha popytu, kažuć analityki.
Tym nie mienš, vysokapastaŭleny čynoŭnik administracyi Trampa, jakaja nazyvaje DOGE prykładam taho, jak chutka pierafarmavać ciažkuju biurakratyju, ličyć, što vynikui jahonaj dziejnaści chutčej paśpiachovyja:
«Nichto nie moža skazać, što DOGE nie dasiahnuŭ histaryčnaha pośpiechu. Vyniki kažuć sami za siabie».
Ale tak možna kazać daloka nie pra ŭsie inicyjatyvy Maska. Tak, u lutym DOGE zapatrabavała ad słužboŭcaŭ štotydzień davać spravazdaču pra piać svaich dasiahnieńniaŭ. Pieršapačatkova Mask zajaviŭ, što admova adkazać na list budzie pahražać zvalnieńniem, ale praz dva dni ŭpraŭleńnie kadravaj słužby (OPM) heta abvierhła, i z tych časoŭ inicyjatyva pačała razvalvacca.
Spravazdačy dla DOGE akazalisia ŭ vyniku bieskarysnaj biurakratyjaj. Adnyja viedamstvy adrazu admianili patrabavańnie, inšyja farmalna pakinuli jaho, ale nie sočać za vykanańniem, z-za čaho supracoŭniki tydniami kapijujuć adnyja i tyja ž teksty, adpraŭlajuć hatovyja šabłony abo pišuć spravazdačy na zamiežnych movach u znak pratestu.
U vyniku ŭ listoŭ niama ni kankretnaj mety, ni stratehii apracoŭki, a ŭ dziaržaŭnych ahienctvaŭ, jakija adpraŭlajuć spravazdačy, «niama idej, jak i navošta ich vykarystoŭvajuć».
Tramp rasčaravany svaimi daradcami z-za vynikaŭ uviadzieńnia pošlin
77 demakrataŭ-kanhresmienaŭ zapatrabavali ad Trampa zvolnić Maska da 30 maja
Baćka Iłana Maska maje dvaich dziaciej ad svajoj padčarki, jakaja maładziejšaja za jaho na 42 hady
Iłan Mask i inšyja pratrampaŭskija miljardery vystupili suprać uviadzieńnia novych mytaŭ
Na rašeńnie Trampa ŭvieści myty suprać usiaho śvietu akazaŭ upłyŭ fejkavy ekśpiert
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady5
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary
levaċje takoje žie biestołkovoje, kak i fašik mask.
obie krajnosti - eto skudoumije.
Vyhodnieje otojti v tień, no sochraniť kapitalizaciju.