Rasijskaja rakieta zabiła traich dziaciej z adnoj ukrainskaj siamji
U starejšaha ź ich praz paru dzion pavinien byŭ być vypuskny.
Hetaj nočču była masiravanaja ataka Rasii pa Ukrainie. Rakiety lacieli pa Kijevie, Chmialnickaj, Charkaŭskaj i Žytomirskaj abłaściach.
U horadzie Karastyšaŭ na Žytomirščynie zahinuła troje dziaciej z adnoj siamji — 17-hadovy Raman, 12-hadovaja Tamara i 8-hadovy Stanisłaŭ Martyniuki. Jany vučylisia ŭ licei №1.
Baćkoŭ dziaciej špitalizavali, maci ŭ ciažkim stanie.
«Vučni našaha liceja — adzinaccacikłaśnik Raman, šaścikłaśnica Tamara i treciakłaśnik Stanisłaŭ — bolš nie pryjduć u svaje kłasy, nie siaduć za party, nie ŭśmichnucca siabram. U Romy praź ličanyja dni pavinien byŭ być vypuskny — dzień, jakoha jon čakaŭ z nadziejaj i marami. A ŭ jaho małodšych brata i siastry napieradzie było jašče stolki pieršych zvankoŭ, ekskursij, śviataŭ, adkryćciaŭ, ščaślivych momantaŭ dziacinstva… Ale ŭsio heta abarvała vajna», — napisaŭ licej №1.