Masiravanaja ataka Rasii na Ukrainu: 13 zahinułych, dziasiatki paranienych
Ataka 25 traŭnia stała adnoj z samych razburalnych za apošni čas, z achviarami siarod mirnaha nasielnictva i značnymi razbureńniami infrastruktury.
U vyniku masiravanaj pavietranaj ataki Rasii na terytoryju Ukrainy ŭ noč z 24 na 25 traŭnia zahinuli 13 čałaviek, bolš za 50 atrymali ranieńni. Pra heta paviedamiŭ narodny deputat Danił Hietmancaŭ. Imavierna, heta ličba nie kančatkovaja.
Rasija vypuściła 367 pavietranych srodkaŭ napadu: balistyčnyja i kryłatyja rakiety, a taksama sotni udarnych dronaŭ.
Pavietranyja siły Ukrainy paviedamili, što sistemy supraćpavietranaj abarony źniščyli 45 kryłatych rakiet i 266 bieśpiłotnikaŭ.
U Kijevie i vobłaści zahinuli čaćviora čałaviek, paranienyja dva dziasiatki ludziej, siarod jakich jość dzieci. U Žytomirskaj vobłaści zahinuli troje dziaciej — 8, 12 i 17 hadoŭ. U Chmialnickaj vobłaści čatyry čałavieki zahinuli, jašče piać byli paranieny. U Mikałajevie abstreł zabraŭ žyćcio 77-hadovaha mužčyny, paranienyja jašče piać čałaviek, siarod ich padletak. U Charkavie paciarpieli try čałavieki, u tym liku dzicia.
Ataki zakranuli i inšyja vobłaści. U Sumach i Ciarnopali byli paškodžany pramysłovyja abjekty. U Čarnihavie paškodžanyja budynki, uźnikli pažary. U Adesie — paškodžańni transpartu.
Prezident Ukrainy Uładzimir Zialenski nazvaŭ napad adnym z samych masiravanych z pačatku poŭnamaštabnaj vajny i zaklikaŭ partnioraŭ uzmacnić padtrymku i sankcyjny cisk na Rasiju.
«Kožny taki terarystyčny ŭdar Rasii źjaŭlajecca dastatkovaj padstavaj dla novych sankcyj suprać Rasii. Rasija zaciahvaje hetuju vajnu i praciahvaje zabivać kožny dzień. Śviet moža žyć u vychadnyja, ale vajna praciahvajecca niezaležna ad vychodnych i budnych dzion. Heta nielha ihnaravać. Maŭčańnie Amieryki, maŭčańnie inšych u śviecie tolki padbadziorvaje Pucina. Biez sapraŭdy mocnaha cisku na rasijskaje kiraŭnictva hetuju žorstkaść nie spynić», — napisaŭ Zialenski ŭ telehramie.
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary