U pierastrełcy pad Oršaj zahinuŭ rasijski palicejski

Inšaha rasijskaha siłavika, jaki stralaŭ u jaho, užo aryštavali.

Siońnia kala 8:30 na aŭtadarozie R-87 «Orša-Viciebsk» pablizu vioski Vysokaje Aršanskaha rajona znojdzieny trup 45-hadovaha rasijanina, a taksama aŭtamabil Lada biez rehistracyjnych znakaŭ. Pobač znachodziŭsia pradmiet, padobny na pistalet, paviedamiła pres-słužba MUS.

Milicyja, jakaja adrazu vybyła na miesca, zatrymała 41-hadovaha mužčynu, taksama hramadzianina Rasijskaj Fiederacyi. Paviedamlajecca, što vyśviatlajucca pryčyny ździajśnieńnia złačynstva, a taksama rod dziejnaści zatrymanaha i zahinułaha.

Miž tym vydańnie Orsha.eu napisała pra viersiju, što ŭ hetym incydencie ŭdzielničali vysokapastaŭlenyja supracoŭniki rasijskaj palicyi: adzin major, druhi padpałkoŭnik. Pamiž rasijskimi siłavikami nibyta ŭźnikła asabistaja niepryjaznaść, i tady jany ŭzialisia za traŭmatyčnyja pistalety, u vyniku čaho adzin z mužčyn zahinuŭ.

Kamientary da artykuła