Pad Brestam zaŭvažyli redkuju zalotnuju ptušku

25 maja na race Kapajuŭcy ŭ Bresckim rajonie ptuškarki Kaciaryna Krupiankova i Nastaśsia Siarhiejeva adznačyli redkuju zalotnuju hościu — hornuju plisku. Ptuška aktyŭna karmiłasia na miełkavodździ, piša «Dzikaja pryroda pobač».

Hornaja pliska. Fota: Kaciaryna Krupiankova

Cikava, što pieršuju hornuju plisku ŭ Biełarusi adznačyli ŭ śniežni 2008 hoda i doŭhi čas hetuju ptušku nazirali tolki ŭzimku. Ale ŭ apošnija hady było niekalki nazirańniaŭ hetych ptušak uletku i viasnoj.

U 2023 hodzie ŭ susiedniaj Polščy zarehistravali pieršaje hniezdavańnie hornaj pliski na miažy ź Biełaruśsiu. Takim čynam hniezdavańnie hetaha vidu na chutkich chałodnych rečkach mahčyma i ŭ našaj krainie. Treba nazirać uvažliva.

Hornaja pliska — typovy žychar hor Jeŭropy, dzie sielicca kala rek. 

Samiec hornaj pliski nahadvaje žoŭtuju plisku, ale śpina ŭ jaho šeraja, a nie zialonaja. Jašče jon maje ŭviesnu na horle čornuju plamu.

Žoŭtaja pliska. Fota Alaksandra Vinčeŭskaha

Žoŭtaja pliska žyvie na papłavach/łuhach, a hornaja — na rečkach. Žoŭtahałovaja pliska lubić sažałki i vilhotnyja papłavy, maje šeruju śpinku, ale vyraznuju žoŭtuju hałavu ŭ samcoŭ.

Žoŭtahałovaja pliska. Fota Alaksandra Vinčeŭskaha

Kamientary da artykuła