Kachanak Mielnikavaj Alaksiej Łabiejeŭ słužyŭ u KDB z 2019 hoda
Arhanizacyja Bypol źviarnuła ŭvahu na infarmacyju, jakaja źmiaščajecca ŭ sudovych materyjałach pa kryminalnych spravach, źviazanych z napadam na prapahandysta Ryhora Azaronka i sprobaj źniščeńnia lesanarychtoŭčaj techniki ŭ 2021 hodzie. Jana daje razumieńnie, ź jakoha času kachanak-ahient źnikłaj śpikierki Kaardynacyjnaj rady Anžaliki Mielnikavaj Alaksiej Łabiejeŭ, jaki pa dakumientach prykryćcia prachodzić jak Alaksiej Hardziejeŭ, pracuje ŭ KDB.
U listapadzie 2022 hoda «Hardziejeŭ» nie pryjšoŭ na sudovaje pasiadžeńnie tamu, što nibyta znachodziŭsia ŭ słužbovaj kamandziroŭcy. Jaho pakazańni začytaŭ prakuror u sudzie. Z hetych pakazańniaŭ stała viadoma, što «Hardziejeŭ» pracuje apieratyŭnikam KDB z 2019 hoda i byŭ ukaraniony ŭ «Atrady hramadzianskaj samaabarony Biełarusi».
Jaho zadačy ŭklučali zbor infarmacyi, jakaja moža pahražać nacyjanalnaj biaśpiecy krainy, ustanaŭleńnie kantaktaŭ z asobami, što majuć namier ździajśniać terarystyčnyja akty, a taksama rychtujuć antykanstytucyjny zachop ułady.
Čytajcie taksama:
Azaraŭ: Kachanak Mielnikavaj braŭ udzieł u pravakacyi z Azaronkam i byŭ uznaharodžany
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia