«Mahčyma, pačytvaŭ kursy pikapu». Znajomy bojfrenda Mielnikavaj raskazaŭ pra jaho padčas vučoby ŭ BDU
Vydańnie «Lusterka» znajšło čałavieka, jaki pierasiakaŭsia z supracoŭnikam biełaruskaj vajskovaj vyviedki i adnačasova bojfrendam źnikłaj śpikierki Kaardynacyjnaj rady Anželikaj Mielnikavaj Alaksiejem Łabiejevym padčas vučoby. Jon raskazaŭ niekatoryja padrabiaznaści pra jaho ŭ toj čas.
Alaksiej Łabiejeŭ vučyŭsia na vajskovym fakultecie BDU. Častka zaniatkaŭ jaho studentaŭ prachodziła na fakultecie fiłasofii i sacyjalnych navuk, dzie jon atrymlivaŭ prafiesiju vajskovaha psichołaha.
«Nakolki ja pamiataju, dastatkova spartyŭny tavaryš, ź jerałašnym vyrazam tvaru savieckaha kamunizmu. Chłopiec sa Słonima. Vučyŭsia dosyć pasredna. Mahčyma, pačytvaŭ kursy pikapu. Nakolki pamiataju, svaju žonku jon adbiŭ u chłopca, jaki taksama zachaplaŭsia pikapam. Pryčym jašče na vajskovym fakultecie BDU, — raskazvaje krynica «Lusterka». — Alaksiej byŭ dobra fizična raźvity. Ciahaŭ niejkaje žaleza. Va ŭsiakim vypadku kaliści».
Kudy mienavita adpravili Łabiejeva słužyć paśla raźmierkavańnia, hety čałaviek nie viedaje, ale miarkuje, što ŭ SPA.
«Zvyčajny ŭśmiešlivy chłopiec. Ja kali čytaŭ hety «bajavik», ździŭlaŭsia, što jon na padobnaje zdolny, na takija pierajezdy i hetak dalej. Napeŭna, pikap pa-biełarusku ŭ dziejańni, — žartuje surazmoŭca. — Darečy, jak možna z humanitaryja pa śpiecyjalnaści, źviazanaj ź psichałohijaj u vajskovaj śfiery, trapić u ekskluziŭnyja padraździaleńni abo KDB, nie viedaju».
Mužčyna raskazvaje, što ŭ tyja časy na vajskovy fakultet BDU niaredka išli tyja, chto nie zmoh trapić u Vajskovuju akademiju. Takim chłopcam telefanavali ź Biełdziaržuniviersiteta i klikali da ich.
Jon kaža, što prachadny bał tudy byŭ nievysoki. Pavodle jaho ŭspaminaŭ, kursanty ličyli, što tudy traplajuć najmienš kvalifikavanyja studenty.
«Z taho, što pamiataju, na hetaj śpiecyjalnaści chapała słabych chłopcaŭ. Jany pastupali tudy, kab nie iści ŭ vojska, — dzielicca nazirańniami surazmoŭca. — I takich ludziej było pa 20-30 čałaviek na kursie. U ich, pa-pieršaje, była humanitarnaja śpiecyjalnaść, heta značyć heta nie kamandnaja VNU. Pa-druhoje, jana nie patrabavała niejkich mudrahielistych zdolnaściaŭ i vysokich bałaŭ. Dziŭna, što ŭ našaj krainie (ja sam viedaju vypadki) takija ludzi traplajuć u aparat KDB, SACHRa, prakuratury i hetak dalej».
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary