U Žodzinie ŭ lesie zaŭvažyli paŭlina

U Žodzinie kala vajskovaj čaści ŭ lesie znajšli paŭlina. Spačatku ludzi nie pavieryli svaim vačam. Miascovyja žychary navat vykłali videa ŭ tyktok i sprabavali zrazumieć, adkul źjaviłasia ptuška. Adnak chutka znajšoŭsia haspadar, piša Ex-press.live.

Skrynšot ź videa

Žychary Žodzina zhadali pra fiermu ŭ vioscy Barsuki, adkul, mahčyma, i palacieŭ hety paŭlin. A nieŭzabavie ŭ kamientarach karystalnik Andrej napisaŭ, što heta jahonaja ptuška, i ŭsiaho ŭ jaho ŭciakli dva paŭliny. Jon paprasiŭ, kab u vypadku, kali chto ptušak pabačyć, ich łavili abo telefanavali jamu. Paŭliny byli pryviezienyja z Maładziečna.

@newszhodino #žodino #žodincy #žizńžodino #novosti #žitieližodino #novostižodino ♬ Utro v lesu - Hołosa prirody

Historyja vyklikała šmat kamientaroŭ: niechta prapanoŭvaŭ viarnuć paŭlina haspadaru, niechta sumniavaŭsia ŭ tym, kamu jon sapraŭdy naležyć. Adna žančyna zhadała, što minułaj vosieńniu ŭ jaje dvary taksama źjaviŭsia paŭlin — źmierzły i mokry. Tady ptušku prytulili ŭ chlavie z kurami, a potym addali chłopcu, jaki skazaŭ, što heta jahonaja ptuška.

U studzieni hetaha hoda žychary adnaho z damoŭ u Barysavie znajšli paŭlina na svaim aknie, i tady haspadary ptuški taksama chutka byli znojdzieny.

Kamientary da artykuła