U archivie znajšli materyjały pra rasstreł antysavieckich partyzan u Barysaŭskim paviecie
28 traŭnia 1921 hoda za ŭdzieł u antysavieckim partyzanskim atradzie ŭ Barysaŭskim paviecie kamunisty rasstralali 9 čałaviek, adzin uciok z-pad kanvoju. Miesca rasstrełu nieviadomaje. Stolki ž balšaviki sasłali abo pieradali pad nahlad śpiecsłužbaŭ, paviedamlajecca ŭ telehram-kanale Biełaruskaha instytuta publičnaj historyi sa spasyłkaj na dakumienty z Archiva novych aktaŭ u Varšavie.
Kazimir Ślaski
Atrad dziejničaŭ ź leta 1920 hoda. Jahony kamandzir, 53-hadovy ŭładalnik chutara Antonaŭka Kazimir Ślaski, hurtavaŭ moładź z susiednich viosak, pieravažna ryma-katalikoŭ. Usich ich abvinavacili ŭ suviaziach z Polščaj, napadach na čyrvonaarmiejskija abozy i zabojstvie savieckich aktyvistaŭ.
Spravu vioŭ śledčy Citoŭ. Jon zapisaŭ u abvinavaŭčym zaklučeńni:
«Ślaski asabista ź inšymi asobami chadziŭ pa vioskach i chutarach, źbiraŭ zbroju i ahitavaŭ siarod moładzi iści za «Ajčynu» i achviaravać svaim žyćciom i dabrom dziela dasiahnieńnia panskaha carstva Biełarusi».
U pamiać pra baćku syn Ślaskaha paźniej ustalavaŭ u adnym z kaściołaŭ Varšavy pamiatnuju šyldu.
U 1992 hodzie ŭsie asudžanyja byli reabilitavanyja.
Čytajcie taksama:
Stała viadoma imia adnaho z kataŭ paeta Michasia Čarota
«Pad frazaj «kakaja raźnica» chavajecca žadańnie zachavać saviecki status-kvo»