Urad Łatvii ŭchvaliŭ uviadzieńnie apłaty za pierasiačeńnie miažy ź Biełaruśsiu
Płanujecca, što dla prajezdu praz naziemnyja kantrolna-prapusknyja punkty ź Biełaruśsiu i Rasijaj transpartnyja srodki pavinny buduć zahadzia zapisvacca ŭ elektronnuju čarhu. Hetaja rehistracyja stanie płatnaj, paviedamlaje pres-słužba ŭrada.
Fota ilustracyjnaje
Jak paviedamlaje Ministerstva kamunikacyj Łatvii, meta takich źmienaŭ — udaskanaleńnie kantrolu i arhanizacyi ruchu na miažy, skaračeńnie čerhaŭ i pavyšeńnie biaśpieki. Novaja sistema budzie aŭtamatyčna źbirać infarmacyju pra transpart, kiroŭcaŭ, pasažyraŭ i hruz. Pamier apłaty za rehistracyju ŭ elektronnaj čarzie nie nazyvajecca.
Ministr kamunikacyj Łatvii adznačyŭ, što hetyja źmieny abumoŭlenyja ciapierašniaj hieapalityčnaj situacyjaj i pavinny zrabić praces pierasiačeńnia miažy bolš chutkim i zručnym.
Pakul što zakon jašče nie ŭstupiŭ u siłu — jaho musić zaćvierdzić Siejm Łatvii.
Čytajcie taksama:
Łatvija madernizuje prapuskny punkt «Paternijeki» na miažy ź Biełaruśsiu
Turysty kupili tur u Ryhu, praviali 36 hadzin u aŭtobusie, ale navat nie trapili ŭ Jeŭrasajuz
Łatvijskija pamiežniki prymianili stralbu dla zatrymańnia mihrantaŭ