Adnavilisia raskopki na Miency, cikavaja znachodka ŭžo ŭ pieršy dzień
Instytut historyi NANB raspačaŭ novy siezon kompleksnych daśledavańniaŭ haradzišča na race Mienka, adkul pačynaŭsia staražytny Miensk. U 2025 hodzie archieałahičny siezon tradycyjna pačaŭsia z raskopak učastka, źviazanaha ź juvielirnym ramiastvom, paviedamlajecca ŭ telehram-kanale instytuta.
Raboty pravodziacca pad kiraŭnictvam zahadčyka adździeła archieałohii Siaredniaviečča i Novaha času Instytuta historyi NAN Biełarusi Andreja Vajciachoviča. Da daśledavańnia dałučylisia studenty-praktykanty Biełaruskaha dziaržaŭnaha ŭniviersiteta kultury i mastactvaŭ, jakija prachodziać palavuju praktyku na abjekcie.
Užo ŭ pieršyja dni raskopak byli zroblenyja važnyja znachodki: u kulturnym płaście znojdziena žaleznaje šyła, datavanaje X stahodździem. Hety artefakt moža być źviazany ź juvielirnaj abo harbarnaj vytvorčaściu, što paćviardžaje hipotezu pra isnavańnie śpiecyjalizavanaj na terytoryi kompleksu ramiesnaj zony.
Čytajcie taksama:
Haradzišča na Miency nieviadomyja paškodzili kvadracykłami
Pačałasia praca pa stvareńni archieałahičnaha muzieja pad adkrytym niebam na Miency
Abmiežavańni suprać dronaŭ tarmoziać łaziernuju archieałohiju ŭ Biełarusi
Archieołahi śćviardžajuć, što staražytny horad na Miency ŭźnik u kancy X stahodździa