Sajt pristalica.by paviedamiŭ pra toje, što na staražytnym haradziščy za 10 kiłamietraŭ na zachad ad Minska na bierazie raki Mienki, na jakim paŭstaŭ staražytny Miensk i dzie apošnija hady pravodziacca maštabnyja archieałahičnyja raskopki, niejkija ludzi aktyŭna adpačyvajuć niahledziačy na zabarony.
Pavodle infarmacyi vydańnia, paru dzion tamu zahadčyka adździeła Instytuta historyi NAN Biełarusi Andreja Vajciachoviča šakavała navina: pa bierazie chtości namotvaŭ kruhi, miarkujučy pa śladach, na kvadracykłach.
«Pra toje, što hetaja miascovaść adnosicca da historyka-kulturnaj, mnie zdajecca, viedajuć užo ŭsie. Tym bolš što na ŭjeździe jość šylda, što prajezd zabaronieny. Ale, jak my zrazumieli, hetuju aharodžu prosta abjechali i dalej pačali viesialicca», — adznačaje archieołah.
Z fota vynikaje, što namotvali kruhi na kvadracykłach tut nieadnojčy, prytym navat kala pamiatnaha kamnia, jaki nahadvaje, što heta za miesca.
«Miascovaść tut uzhorystaja. Moža, tamu i vybrali miesca pakatacca… Pa vyniku hetyja ludzi pryčynili škodu historyka-kulturnaj kaštoŭnaści. Viadoma, pa viaśnie my budziem vypraŭlać źniešni vyhlad, rabić usio pryhoža, ale tym nie mienš chaciełasia b nie mieć takich haściej», — adznačyŭ Andrej Vajciachovič.
Chto hetyja parušalniki, pakul nie vyśvietlena.
«Usia terytoryja kompleksu adnosicca da historyka-kulturnaj kaštoŭnaści, navat vały i kamiani. Tut dazvolena tolki piešaja prahułka, ale nijak nie jazda. My ŭ svaju čarhu rasstavim nieabchodnyja infarmacyjnyja tablički, kab naviedvalniki adrazu byli aznajomlenyja ź niekatorymi niuansami naviedvańnia kompleksu», — adznačyli ŭ Minskim rajvykankamie.
Zhodna z Kodeksam ab kultury, źniščeńnie, paškodžańnie historyka-kulturnych kaštoŭnaściaŭ, ździejśnienaje pa nieaściarožnaści, ciahnie nakładańnie štrafu ŭ pamiery ad 5 da 35 vieličyń, na indyvidualnaha pradprymalnika — ad 20 da 100 bazavych vieličyń, a na jurydyčnuju asobu — da 500 bazavych vieličyń. Taksama adkaznaść praduhledžanaja i artykułami 345 i 346 Kryminalnaha kodeksa Respubliki Biełaruś.
Pačałasia praca pa stvareńni archieałahičnaha muzieja pad adkrytym niebam na Miency
Archieołahi śćviardžajuć, što staražytny horad na Miency ŭźnik u kancy X stahodździa
U raskopkach na Miency čarhovaja siensacyja: znajšli mohiłki XI stahodździa
Mienka ci Śvisłač? Navukoŭcy Akademii navuk, zdajecca, pastavili kropku ŭ dyskusii, dzie zaradziŭsia staražytny Miensk
Kamientary