Ramont Čyrvonaha kaścioła pačnuć u červieni
Minskija ŭłady narešcie abjavili pra pačatak ramontu Čyrvonaha kaścioła — raboty płanujuć raspačać u červieni. Pra heta paviedamiła načalnica ŭpraŭleńnia kultury Minharvykankama Kaciaryna Łučyna.
Vieža Čyrvonaha kaścioła
Pavodle słoŭ čynoŭnicy, ułady sočać za stanam važnych histaryčnych budynkaŭ horada, siarod jakich — Čyrvony kaścioł, Piščałaŭski zamak i damy na vulicy Čyžeŭskich.
Čynoŭnica adznačyła, što ŭsie hetyja budynki źjaŭlajucca historyka-kulturnaj spadčynaj, i im nadajecca «naležnaja ŭvaha». Pa jaje słovach, ramont Čyrvonaha kaścioła pavinny pačať u červieni i skončyć u 2026 hodzie.
Kaścioł śviatych Symona i Aleny (Čyrvony kaścioł) zakryty ź vieraśnia 2022 hoda, jaho faktyčna zabrali ŭ viernikaŭ paśla nievialikaha ŭzharańnia, jakoje adbyłosia pry ćmianych abstavinach.
Čytajcie taksama:
Stała viadoma, kali adkryjuć Čyrvony kaścioł u Minsku
Kala Čyrvonaha kaścioła ŭ Minsku byŭ ździejśnieny akt vandalizmu
Ad začynienaha Čyrvonaha kaścioła patrabujuć amal 150 tysiač rubloŭ