Pamier ekspartu łuninieckaha fiermiera ŭ Rasiju ŭpieršyniu pierasiahnuŭ 10 miljonaŭ dalaraŭ
Pavodle spravazdačy za 2024 hod, rasijskaja handlovaja kampanija «Navavita», zarehistravanaja ŭ Smalensku, pradała pradukcyi bolš čym na 10 miljonaŭ dalaraŭ — heta amal na 30% bolš, čym u papiarednim hodzie. Čystaja prybytkovaść skłała 280 tysiač dalaraŭ. Hetaja kampanija naležyć fiermieru ź Biełarusi Uładzimiru Navickamu, piša vydańnie «Biełorusy i rynok».
Fota: belarusinfo.by
Fiermierskaja haspadarka Navickaha, jakaja znachodzicca ŭ Łuninieckim rajonie, śpiecyjalizujecca na vyroščvańni aharodniny na płoščy bolš za 1000 hiektaraŭ. U jaje asartymiencie — morkva, buraki, bulba, piatruška i pastarnak.
Štohod tut vyrablajecca da 40 tysiač ton mytaj i ŭpakavanaj aharodniny, častka jakoj zamarožvajecca i pastupaje na rynak u hatovym vyhladzie.
Uładzimir Navicki źjaŭlajecca adzinym biełaruskim fiermieram, jaki maje ŭłasnuju handlovuju kampaniju ŭ Rasii — na klučavym rynku zbytu svajoj pradukcyi.
Čytajcie taksama:
Čarešnia na Kamaroŭskim rynku patańnieła ŭ try razy. Čym jašče vyhadna zakupicca ŭ vychadnyja
Chałodny maj udaryŭ pa kłubnicach. Biełaruskija fiermiery kažuć ab źnižeńni ŭradžaju
Fiermiery narakajuć: uradžaj budzie mały. Takich častych zamarazkaŭ nie nazirali apošnija 30 hadoŭ
«Ciažka načami nie spać». Fiermiery palać vohniščy, kab uratavać bujaki ad zamarazkaŭ