Fiermiery narakajuć: uradžaj budzie mały. Takich častych zamarazkaŭ nie nazirali apošnija 30 hadoŭ
U Ministerstvie sielskaj haspadarki i charčavańnia razhladajuć varyjanty, jak ratavać uradžaj.
Čakajecca, što ŭradžaj sadaviny i jahad źnizicca. Zahadčyk adździeła Instytuta pładavodstva NAN Biełarusi Siarhiej Jarmolič kaža, što takich častych zamarazkaŭ, jak sioleta, nie nazirałasia apošnija 30 hadoŭ.
«Uradžaj u paraŭnańni z papiarednim hodam budzie, viadoma, mienšy, ale heta pakul što papiarednija prahnozy. Usio budzie viadoma ŭ pačatku červienia»,
— vykazaŭsia Jarmolič u siužecie BT.
Navukoŭcy pradumvali, jak možna praduchilić upłyŭ zamarazkaŭ na ŭradžaj.
«I ŭ respublicy, i ŭ našym instytucie, i ŭ inšych haspadarkach prymianiajecca šerah preparataŭ. Jość nievialiki minus hetych preparataŭ, što jany maksimalna pracujuć da 3-4 hradusaŭ marozu. U lubym vypadku dadzienyja preparaty pavyšajuć ŭstojlivaść, pavyšajuć imunitet mienavita da zamarazkaŭ».
Natalla Nikałajenia, namieśnica kiraŭnika fiermierskaj haspadarki, u sielskaj haspadarcy kala 40 hadoŭ, apošnija siem zajmajecca bujakami. Takoha chałodnaha maja jana nie ŭspomnić.
«U nas z 6 na 7 nočču tut na ŭčastku było minus 10 hradusaŭ. I zima była bieź śniehu, vilhaci mała. Viasna pryjšła, toje ž samaje, daždžoŭ niama. I torf, jon ža sam pa sabie moža ŭzharacca, kali vysokaja tempieratura. Na tarfianikach ni vohnišča, ničoha my raźvieści nie možam. Praz tydni dva-try ŭžo budzie vidać, jahadka vyskačyć ci nie».
Fiermier Anatol Čykun trymaje jabłynievy sad. Jon sioleta płanavaŭ atrymać uradžaj 60-70 ton z hiektara. Ale z takim nadvorjem naŭrad ci ŭdasca.
«Rabili dymleńnie. Prajšoŭšysia, pahladzieŭšy, tut pracentaŭ 5, moža maksimum 10 ad taho, što my płanavali, budzie ŭ lepšym vypadku», — narakaje fiermier.
Pa ŭsioj krainie paciarpieła kala 380 tysiač hiektaraŭ.
«Heta nizkija miescy, heta tarfianiki. Kali jość hibiel, my płanujem pierasiejać. Kali heta paškodžańnie, značyć [pradumvajem], jakija ahratechničnyja mierapryjemstvy, ahranamičnyja mierapryjemstvy my pavinny pravieści dla taho, kab padtrymać i zachavać toj uradžaj. Ja maju na ŭvazie drobavyja padkormki, uniasieńnie mikraelemientaŭ, aminakisłot dla taho, kab našy kultury chutčej akryjali i ŭvajšli ŭ viehietacyju», — adznačyŭ namieśnik ministra sielskaj haspadarki i charčavańnia Uładzimir Hrakun.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary