U Rasii apublikavali aryjenciroŭku na ŭładalnika fur, jakoha padazrajuć u dačynieńni da ataki na vajskovyja aeradromy

Adšukvajecca Arciom Cimafiejeŭ, uradženiec Ukrainy, jamu 37 hadoŭ.

U rasijskim horadzie Uść-Kut (Irkuckaja vobłaść) abvieščany ŭ vyšuk 37-hadovy Arciom Cimafiejeŭ, jakoha padazrajuć u arhanizacyi masavaj ataki bieśpiłotnikaŭ pa vajennych abjektach Rasii. 

Pavodle źviestak vydańnia «Baza», mienavita Cimafiejeŭ vałodaŭ aŭtamabilami, ź jakich 1 červienia adbyŭsia zapusk dronaŭ, što nanieśli ŭdary pa vajskovaj infrastruktury, u tym liku, u Irkuckaj vobłaści.

Padazravany ŭ kastryčniku 2024 hoda zarehistravaŭ IP u śfiery hruzapieravozak, a ŭ śniežni nabyŭ niekalki mašyn, jakija, pavodle śledstva, byli vykarystanyja padčas apieracyi.

Cimafiejeŭ — uradženiec Žytomira, choć u aryjenciroŭcy ad administracyi Uść-Kuta pamyłkova paznačana, što jon naradziŭsia ŭ Daniecku. Jon taksama žyŭ u Kijevie, a paźniej pierajechaŭ u Čelabinskuju vobłaść Rasii, dzie razam z rodnymi byŭ zarehistravany ŭ horadzie Mias.

Siońnia aryjenciroŭki na Cimafiejeva razasłany va ŭsie adździaleńni.

Pry hetym ukrainskija ŭłady 1 červienia aficyjna paviedamili, što ŭsie vykanaŭcy apieracyi ŭžo evakuiravany va Ukrainu, nie ŭdakładniajučy ich kolkaść abo miescaznachodžańnie.

Kamientary da artykuła