Pucin upieršyniu prakamientavaŭ padryŭ mosta, jaki abrynuŭsia na ciahnik u Branskaj vobłaści
«Heta metanakiravany ŭdar pa cyvilnych asobach», — skazaŭ jon na naradzie, dzie abmiarkoŭvali chod pieramoŭ z Ukrainaj.
Uładzimir Pucin. Fota: AP
Pucin ličyć, što ataka była skiravana suprać žančyn i dziaciej i adbyłasia napiaredadni čarhovaha raŭnda pieramoŭ z Ukrainaj.
«Heta metanakiravany ŭdar pa cyvilnych asobach. Pa ŭsich mižnarodnych normach takija dziejańni nazyvajucca teraryzmam.
Usie złačynstvy, jakija byli ździejśnienyja ŭ dačynieńni da cyvilnych asob, u tym liku žančyn i dziaciej napiaredadni čarhovaha raŭnda prapanavanych nami pieramovaŭ u Stambule, byli, biezumoŭna nakiravany na zryŭ pieramoŭnaha pracesu», — skazaŭ Pucin.
Pa jaho słovach, praz padryŭ mosta niemahčyma doŭhaterminovaje spynieńnie bajavych dziejańniaŭ, za jakoje vystupaje Uładzimir Zialenski:
«U toj ža čas [udzielniki ŭkrainskaj delehacyi] prosiać prypynić bajavyja dziejańni na 30, a to i na 60 sutak. Prosiać ab sustrečy na vyšejšym uzroŭni.
Ale jak ža pravodzić u hetych umovach padobnyja sustrečy? Pra što kazać? Chto naohuł viadzie pieramovy z tymi, chto robić staŭku na teror, z terarystami? I za što ich zaachvočvać, padajučy pieradyšku ŭ bajavych dziejańniach?».
Čytajcie taksama:
U Branskaj vobłaści most, pa jakim jechała fura, abrynuŭsia na pasažyrski ciahnik. Siem zahinułych
U Rasii abrynuŭsia druhi za noč čyhunačny most. Padazrajuć dyviersiju
Pierad abrušeńniem mosta ŭ Branskaj vobłaści pasažyry čuli vybuch