«Bačyš, palityka nie takaja prostaja». Radasłaŭ Sikorski padkałoŭ Iłana Maska
Kiraŭnik MZS Polščy iranična adreahavaŭ na publičnuju svarku pamiž amierykanskim miljarderam Iłanam Maskam i prezidentam ZŠA Donaldam Trampam. U jaho jość padstavy dla ironii, bo raniej Mask u dačynieńni da polskaha palityka vykazvaŭsia vielmi vysakamierna.
Radasłaŭ Sikorski. Fota: AP Photo/Matthias Schrader
«Bačyš, vialiki čałaviek, palityka nie takaja prostaja, jak ty dumaŭ», — napisaŭ Sikorski ŭ svaim akaŭncie ŭ sietcy Ch.
Za try miesiacy da taho, 9 sakavika, Iłan Mask zajaviŭ, što spadarožnikavaja sistema Starlink, uładalnikam jakoj jon źjaŭlajecca, — klučavaja dla ŭkrainskaj armii, i što bieź jaje linija frontu abvaliłasia b. Hetym samym jon prazrysta namiakaŭ, što Ukraina trymajecca ź jahonaj łaski.
U adkaz Radasłaŭ Sikorski nahadaŭ, što pasłuhi spadarožnikavaha internetu dla ŭkrainskaj armii apłačvaje Polšča, dadaŭšy, što ŭ vypadku admovy kampanii Maska pastaŭlać pasłuhu ŭkraincam buduć znojdzienyja inšyja pravajdary. Tady Iłan Mask hrebliva nazvaŭ Sikorskaha «čałaviečkam».
Čytajcie taksama:
Bahaćcie Iłana Maska za adzin dzień skaraciłasia na $34 młrd paśla svarki z Trampam
Tramp i Mask adkryli źniščalny ahoń adzin u adnaho
Mask pasvaryŭsia z Trampam: prezident ZŠA ździŭleny napadkami miljardera
Iłan Mask nazvaŭ hałoŭny zakonaprajekt Trampa «ahidnaj hniusnaściu»