Biez telefanavańniaŭ i listoŭ: što viadoma pra asudžanaha na 11 hadoŭ śviatara Akałatoviča

Užo paŭtara miesiaca znachodzicca ŭ kałonii asudžany na 11 hadoŭ pazbaŭleńnia voli katalicki śviatar Hienrych Akałatovič. Były probašč parafii ŭ Vałožynie byŭ pieraviedzieny ŭ kałoniju ŭ Babrujsku na Vialikdzień, 20 krasavika, piša katolik.life.

Stała viadoma, što 65-hadovaha śviatara vyznačyli ŭ atrad №4. Tamu listy jamu možna nakiroŭvać pa nastupnym adrasie:

• Akałatoviču Hienadziu Uładzisłavaviču
• IK №2, atrad №4,
• 213807, vuł. Sikorskaha, 1, Babrujsk
• Mahiloŭskaja vobłaść

Za hetyja paŭtara miesiaca listoŭ ad śviatara amal nie było. U asiarodździ viernikaŭ viadoma tolki pra adzin karotki list, jaki dajšoŭ ad ksiandza. U im jon prasiŭ vysłać leki (jon maje ciažkija chvaroby) i pisaŭ, što rady «nieści kryž mučanictva za Boha, za vieru, za Kaścioł», paviedamlaŭ, što prosić Hospada ab umacavańni ŭ viery, pieradavaŭ usim udziačnaść.

Nivodnaha telefonnaha zvanka, jaki naležyć asudžanym, taksama pakul nie było, nakolki viadoma viernikam.

Kamientary da artykuła