«Raźjazdžalisia prosta pa tratuarach». Kala novaha stadyjona paśla matča adbyŭsia kałaps
Hulniu zbornych Biełarusi i Rasii, pavodle aficyjnych danych, naviedali amal 30 tysiač hledačoŭ. Vyjechać im sa stadyjona było prablematyčna.
Fota: Onliner
Paśla tavaryskaha matču pamiž zbornymi Biełarusi i Rasii (1:4) kala novaha Nacyjanalnaha futbolnaha stadyjona adbyŭsia transpartny kałaps.
Zhodna z pratakołam, hulniu naviedała 27314 hledačoŭ. Šmat chto ź ich pryjechaŭ na mašynach. Raźjechacca paśla matču było ciažka, piša Onliner.
«Kałaps na darohach i ŭ dvarach kala Nacyjanalnaha futbolnaha stadyjona. Aŭtamabili sprabavali raźjechacca prosta pa tratuarach. Vialikaja čarha na vyjeździe na Partyzanski praśpiekt», — raskazaŭ vidavočca.
Fota: Onliner
Na fota sapraŭdy vidać, jak niekatoryja mašyny vyjechali na tratuar, kab pasprabavać prarvacca na praśpiekt. Dniom pierad matčam situacyja była nie lepšaja. Vialiki korak utvaryŭsia prosta na praśpiekcie.
Fota: Onliner
Nacyjanalny stadyjon raźličany na 33 tysiačy hledačoŭ. Pry hetym architektary nie praduhledzieli parkoŭku i vyjezdy sa stadyjona. Parkinh na arenie raźličany ŭsiaho na 307 miescaŭ. Mnohim zaŭziataram daviałosia pakidać mašyny ŭ dvarach pa susiedstvie.
Čytajcie taksama:
Chto tyja ludzi, jakimi zapoŭnili Nacyjanalny futbolny stadyjon pry jaho adkryćci?