Praviali pieratrus na kvatery Ihara Barysava
11 červienia na minskaj kvatery staršyni likvidavanaj uładami Biełaruskaj sacyjał-demakratyčnaj partyi (Hramada) Ihara Barysava adbyŭsia pieratrus, paviedamlaje partyjny telehram-kanał.
Ihar Barysaŭ
Siłaviki trapili ŭ kvateru i ŭ prysutnaści paniatych praviali «apieratyŭnyja dziejańni». Pryčynaj ich vizitu stała raspačataja kryminalnaja sprava na Ihara Barysava. Sam Barysaŭ žyvie pa-za miežami Biełarusi.
Pa jakim artykule jon abvinavačvajecca, nie zrazumieła, ale viadoma, što 7 maja likvidavanaja ŭładami BSDP była pryznanaja rašeńniem MUS «ekstremisckim farmavańniem».
U śpis asobaŭ, datyčnych da dziejnaści arhanizacyi, byli ŭklučanyja staršynia BSDP Ihar Barysaŭ, namieśnica staršyni Hanna Kanius i siabra prezidyuma Ihar Masłoŭski.
Čytajcie taksama:
KDB pravioŭ pieratrusy va ŭdzielnikaŭ apytańniaŭ Biełaruskaj analityčnaj majsterni
Pierastała vychodzić na suviaź połackaja žurnalistka i katalickaja aktyvistka Cina Pałynskaja
Stała viadoma, kali adbylisia pieratrusy ŭ miedyja, pra jakija paviedamiŭ ANT