Stała viadoma, kali adbylisia pieratrusy ŭ miedyja, pra jakija paviedamiŭ ANT
Pieratrusy ŭ vydańniach «Viačerni Babrujsk», «Babrujsk Info» i «Volnaje Hłybokaje» adbylisia jašče 3 krasavika. Film pakazali tolki 28 maja — u dzień vizitu Zialenskaha ŭ Bierlin. Vydańni abvinavacili ŭ tym, što jany raźmiaščali rekłamnyja materyjały, apłačanyja niamieckim pasolstvam.
28 i 29 maja na ANT pakazali videa dopytaŭ redaktaraŭ rehijanalnych niedziaržaŭnych miedyja. Prapahandyst Ihar Tur abvinavaciŭ vydańni ŭ tym, što jany raźmiaščali rekłamnyja materyjały, apłačanyja niamieckim pasolstvam, «jakija prasłaŭlajuć nibyta cudoŭnuju Hiermaniju».
Jak stała viadoma «Našaj Nivie», pieratrusy ŭ vydańniach «Viačerni Babrujsk», «Babrujsk Info» i «Volnaje Hłybokaje» adbylisia jašče 3 krasavika. Miž tym paklopnicki film vyjšaŭ na ANT 28 maja. I adnačasova pačałasia kampanija ačarnieńnia na praŭładnych kanałach i ŭ dziaržaŭnych ŚMI. Vypadkova ci nie, ale vychad filma supaŭ z dniom vizita prezidenta Ukrainy Uładzimira Zialenskaha ŭ Bierlin. Čakałasia, što padčas hetaha vizitu Niamieččyna abvieścić ad pastaŭkach Ukrainie kryłatych rakiet siaredniaj dalnaści «Taŭrus».
U tyja samyja dni, kali vyjšaŭ film ANT, šmatlikija materyjały z krytykaj Hiermanii źjavilisia ŭ rasijskaj prapahandzie.
Voś, prykładam, skrynšot hałoŭnaj staronki sajta RIA «Novosti» za viečar 28 maja:
U filmie ANT, jaki hruntujecca na materyjałach, atrymanych ad śpiecsłužbaŭ, niamieckaje pasolstva abvinavačvajuć u tym, što z 2020 hoda jano vydatkavała na rekłamu, raźmieščanuju ŭ niedziaržaŭnych ŚMI, kala 226 tysiač dalaraŭ — heta značyć kala 56 tysiač dalaraŭ na hod. U pieraliku tych, u kaho niemcy zamaŭlali rekłamu — 18 vydańniaŭ.
Rekłama afarmlałasia aficyjna, u poŭnaj adpaviednaści ź biełaruskim zakanadaŭstvam. Ź jaje spłačvalisia padatki.
Jak stała viadoma z dopisaŭ u sacyjalnych sietkach vychadcaŭ z roznych haradoŭ, pakul nikoha z tych, da kaho prychodzili 3 krasavika, nie zatrymali. Adnak pad vartaj zastajucca zhadanyja ŭ filmie vydaviec i supracoŭniki baranavickich niedziaržaŭnych vydańniaŭ, jakich aryštavali ŭ śniežni 2024 hoda i pra los jakich usio jašče niama nijakaj peŭnaj infarmacyi.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Kamientary