«Raniej byŭ smačniejšy». U tyktoku abmierkavali minułaje i sučasnaść kvasu z žoŭtaj bočki

Bieraściejka Taćciana, jakaja ciapier žyvie ŭ Polščy, pryjechała dadomu i, ubačyŭšy znajomuju ź dziacinstva žoŭtuju bočku z kvasam, źniała pra heta videa i vykłała jaho ŭ tyktok. Rolik chutka staŭ papularnym — bolš za 160 tysiač prahladaŭ — i vyklikaŭ burnyja sprečki ŭ kamientaryjach. Ludzi abmiarkoŭvajuć, ci biaśpiečna ciapier pić kvas z takich bočak i ci zachavaŭsia jahony smak, piša BG.Media.

Skrynšot ź videa

Niekatoryja śćviardžajuć, što bočki ržavyja i nie adpaviednyja sanitarnym normam, zhadvajučy pra nibyta ćvil i navat «žyŭnaść» unutry.

Inšyja nastalhujuć pa dziacinstvie i śćviardžajuć, što ciapier usio zusim inakš — unutry sučasnaja aluminijevaja kapsuła, ciepłaizalacyja, a sam kvas zalivajecca ŭ sterylnych umovach. Taksama zhadvajecca, što sanstancyja rehularna praviaraje bočki, a bieź śpiecyjalnaj daviedki z zavoda ich nie napaŭniajuć.

@tanya.poland Našła bočku s kvasom, kto jeŝie pomnit etot vkus dietstva ??? I kak vas siejčas etot kvas ?? Nie iźmieniłsia ?? #briest#biełaruś#polša#poland#biełarusyvpolšie#biełarusyvievropie#biełorusyvhdańskie#pieriejezd#adaptacijavsadikie #iźbiełarusivpolšu ♬ orihinalnyj zvuk - tanya.kablukovich

Što da smaku, to i tut mierkavańni padzialilisia. Adnyja ličać, što ciapier kvas — heta ŭžo «nie toj» napoj, što jon staŭ vadkim, «paraškovym» i straciŭ naturalnaść. Inšyja, naadvarot, śćviardžajuć, što kvas pa-raniejšamu smačny i prosta vyklikaje pryjemnyja ŭspaminy ź dziacinstva.

Raniej kvas dla hetych bočak rabiła «Bresckaje piva», ale apošnim časam napoj zakuplajuć u inšych vytvorcaŭ, naprykład, u Biarozaŭskaha kambinata kaapieratyŭnaj pramysłovaści.

Kamientary da artykuła