BČ znoŭ prapanavała Polščy puścić ciahniki ŭ Biełaruś
Namieśnik načalnika Biełaruskaj čyhunki Uładzimir Byckievič z 10 pa 13 červienia braŭ udzieł u siesii Narady ministraŭ Arhanizacyi supracoŭnictva čyhunak u kitajskim horadzie Cyndaa, na jakoj prysutničali pradstaŭniki jašče 20 krain, u tym liku i Polščy.
Na hetym mierapryjemstvie Uładzimir Byckievič źviarnuŭsia da polskaj delehacyi ź inicyjatyvaj adnavić mižnarodnyja i pryhraničnyja čyhunačnyja znosiny pamiž Biełaruśsiu i Polščaj, uličvajučy vialikuju zacikaŭlenaść z boku hramadzian.
U krasaviku Biełaruskaja čyhunka ŭžo źviartałasia da Litvy, Łatvii i Polščy z prapanovaj adnavić pramyja pasažyrskija znosiny, pamiž krainami, spynienyja jašče padčas pandemii karanavirusu ŭ 2020 hodzie. Ale pakolki biahučyja palityčnyja ŭmovy hetamu nie spryjajuć, stanoŭčaha vodhuku heta prapanova nie atrymała.
Čytajcie taksama:
Biełčyhunka prapanavała Litvie, Polščy i Łatvii adnavić čyhunačnaje złučeńnie
Litva nie budzie śpiašacca z adkazam na prapanovu Biełarusi adnavić pasažyrskija čyhunačnyja znosiny
Stała viadoma, kali možna spadziavacca na chutkasnuju elektryčku ź Minska ŭ aeraport