Litva nie budzie śpiašacca z adkazam na prapanovu Biełarusi adnavić pasažyrskija čyhunačnyja znosiny
Kiraŭnik urada Litvy Hintaŭtas Pałuckas zajaviŭ, što adpaviednuju prapanovu razhladajuć «u kantekście ŭsich sankcyj, vajny va Ukrainie i adnosin Jeŭrasajuza z Rasijaj», paviedamlaje LRT.
«Tamu z adkazam na hetyja prapanovy śpiašacca nie budziem», — skazaŭ premjer Litvy žurnalistam 28 krasavika.
«Heta pracoŭny praces. Kali pastupaje prapanova, jana razhladajecca ŭ kansultacyi ź Ministerstvam zamiežnych spraŭ, jakoje adkazvaje za sankcyi, a kančatkovaje rašeńnie prymaje ŭrad. Tak što vy pačuli majo mierkavańnie», — zajaviŭ Hintaŭtas Pałuckas.
Pradstaŭnik ministerstva transpartu Łukas Paškiavičus taksama paćvierdziŭ LRT, što prapanova razhladajecca — čakajucca zaklučeńni Ministerstva ŭnutranych spraŭ, Ministerstva zamiežnych spraŭ i Departamienta dziaržaŭnaj biaśpieki.
Pra toje, što Biełaruskaja čyhunka prapanavała Polščy, Litvie i Łatvii adnavić pramyja pasažyrskija pieravozki, paviedamiła 21 krasavika pres-słužba BČ.
Raniej jany byli prypynienyja ŭ 2020 hodzie praz pandemiju COVID-19, ale paśla tak i nie adnavilisia ŭžo pa palityčnych pryčynach.
Biełčyhunka prapanavała Litvie, Polščy i Łatvii adnavić čyhunačnaje złučeńnie
Prapahanda pakazała adjezd ajcišnikaŭ z vakzała ŭ 2022 hodzie, źniaty schavanaj kamieraj
U Litvie ŭrad choča dazvolić rabotnikam brać balničnyja na daviery, biez pachodaŭ u palikliniku
Na Polšču — da 15 hadzin, u Litvu — biez čerhaŭ. Čaho čakać pasažyram aŭtobusaŭ na miažy?
Kamientary