U Amanskim zalivie zahareŭsia rasijski tankier
U Amanskim zalivie ŭspychnuŭ pažar na naftavym tankiery Adalynn, jaki farmalna chodzić pad ściaham Antyhua i Barbudy, ale naležyć da rasijskaha cieniavoha fłotu.
Skrynšot ź videa
Pavodle infarmacyi ahienctva Bloomberg, sudna sutyknułasia ź inšym tankieram — Front Eagle pad ściaham Libieryi — prykładna za 44 kiłamietry ad porta Chaur-Fakkan (AAE).
Pavodle źviestak bierahavoj achovy AAE, udałosia vyratavać 24 členy ekipaža Adalynn.
Mienavita hety tankier časta bačyli padčas kursiravańnia pamiž rasijskim portam Uść-Łuha ŭ Bałtyjskim mory i Fadynarom na zachodnim uźbiarežžy Indyi.
Bloomberg atrymaŭ ad ahienctva ŭ śfiery marskoj biaśpieki Vanguard Tech apaviaščeńnie, zhodna ź jakim pakul što niama padstaŭ padazravać u hetym incydencie «złačynny namier».
Čytajcie taksama:
Iran pahražaje pierakryć Armuzski praliŭ. Čym heta pahražaje Jeŭropie i śvietu?
Panama ŭvodzić novyja abmiežavańni dla «cieniavoha fłotu» Rasii
Rasija pačała supravadžać svaje tankiery ŭ Bałtyjskim mory vajskovymi karablami i samalotami