Ułady Panamy ŭzmacnili kantrol nad sudnachodstvam pad svaim ściaham, uvioŭšy novyja abmiežavańni dla sudoŭ, jakija zajmajucca pieravałkaj nafty.
Ciapier usie sudny z vodaźmiaščeńniem bolš za 150 ton pavinny za 48 hadzin da apieracyi paviedamlać uładam Panamy pra płany pa pieravałcy nafty, padajučy poŭnuju techničnuju infarmacyju: numary sudnaŭ, dakładnyja kaardynaty, čas i typ hruzu.
Hetyja miery nakiravanyja, u asnoŭnym, suprać tak zvanaha «cieniavoha fłotu» Rasii — hrupy tankieraŭ, što vykarystoŭvajucca dla abychodu mižnarodnych sankcyj.
Jašče ŭ sakaviku 2025 hoda Panama ŭžo anulavała rehistracyju 107 tankieraŭ, jakija znachodzilisia pad sankcyjami ZŠA, ES i Vialikabrytanii i padazravalisia ŭ suviaziach z rasijskim «cieniavym fłotam».
Taksama Panama ŭviała bolš strohuju pravierku sudnaŭ pry rehistracyi: ciapier praviarajuć nie tolki techničny stan, ale i ŭładalnikaŭ, apierataraŭ i mahčymyja ryzyki parušeńnia sankcyj. Ułady zajaŭlajuć, što heta nieabchodna dla abarony reputacyi Panamy jak adnoj ź viadučych krain sa «zručnym ściaham» i dla vykanańnia mižnarodnych normaŭ.
Rasija pačała supravadžać svaje tankiery ŭ Bałtyjskim mory vajskovymi karablami i samalotami
ES zapadozryŭ Kitaj u abychodzie 80 pracentaŭ sankcyjnych abmiežavańniaŭ suprać Rasii
U Estonii zatrymali tankier rasijskaha cieniavoha fłotu
Barbadas i Panama zabiaruć svaje ściahi ŭ bolš čym 100 tankieraŭ cieniavoha fłotu Pucina
Bieły dom abjaviŭ pra ŭviadzieńnie samych maštabnych sankcyj suprać rasijskaha enierhietyčnaha siektara
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary