U Hrodnie źjavicca ekzatyčnaja para Ryčarda i Džulii. Jany buduć razam jeści myšej
U zaapark pryjechaŭ japonski lebiedź. Jon pasprabuje stvaryć siamju.
Fota: «Viečiernij Hrodno»
U Hrodzienski zaapark z Maskvy pryvieźli japonskaha žuraŭla Ryčarda. Heta małady samiec, jamu ŭsiaho hod.
Ryčarda pryvieźli, kab pasprabavać stvaryć pieršuju paru japonskich žuraŭloŭ. U zaaparku ŭžo žyvie samka pa imieni Džulija. Joj chutka spoŭnicca dva hady, piša «Viečiernij Hrodno».
Ptuški pakul jašče maładyja dla stvareńnia siamji, pałavoj śpiełaści žuraŭli dasiahajuć u try hady. Ale praź niekalki miesiacaŭ ich pasielać u susiednija valjery, kab Ryčard i Džulija pryvykali adzin da adnaho.
Ciapier, paśla praciahłaha pierajezdu, Ryčard prachodzić adaptacyju: jon asvojvaje novy valjer i intensiŭna charčujecca. Racyjon žuraŭloŭ u niavoli ŭklučaje ŭ siabie miasa, rybu, kašy, harodninu i myšej. Pryčym, dla hetych ptušak myšy źjaŭlajucca asnoŭnym łasunkam.
Vopytu ŭtrymańnia japonskich žuravoŭ u śpiecyjalistaŭ u Hrodnie jašče niama. Za ŭsiu historyju isnavańnia zaaparka hety vid źjaviŭsia ŭpieršyniu. Tam spadziajucca, što ŭ Ryčarda i Džulii atrymajecca ŭdałaja historyja kachańnia.
Čytajcie taksama:
U Hrodzienskim zaaparku lisa-babula stała mamaj dla małych lisianiat VIDEA
U Viciebskaj vobłaści karova naradziła ad zubra
U Barysaŭskim rajonie łasiania vyjšła pa dapamohu da ludziej FOTY