Biełarusaŭ papiaredzili pra vizavuju pastku pry naviedvańni Sierbii i Čarnahoryi
Pasolstva Biełarusi ŭ Sierbii papiaredziła hramadzian ab pahrozie trapić u tak zvanuju vizavuju pastku pry vyjeździe ź Sierbii i Čarnahoryi. Prablema tyčycca biełarusaŭ, jakija padarožničajuć na asabistym aŭtamabili z adnarazovaj šenhienskaj vizaj, piša Respublikanski sajuz turystyčnaj industryi.
Pry tranzicie praź Sierbiju abo Čarnahoryju, kali čałaviek pakidaje terytoryju Jeŭrasajuza, jahonaja viza aŭtamatyčna anulujecca. U vyniku viarnucca ŭ Biełaruś praz terytoryju ES jamu ŭžo niemahčyma — daroha nazad praz naziemnyja šlachi pierakrytaja.
Pry hetym inšyja varyjanty, naprykład parom z Čarnahoryi ŭ Turcyju, niedastupnyja, a atrymać novuju šenhienskuju vizu na miescy niemahčyma biez dazvołu na žycharstva. Tamu adzinym realnym sposabam viarnucca ŭ Biełaruś dla takich ludziej robicca avijarejs — praz Stambuł abo Maskvu.
Ale ŭ takim vypadku asabisty aŭtamabil zastajecca ŭ krainie i patrabuje novaj vizy dla jaho vyvazu — heta dadatkovyja vydatki i składanaści.
Pasolstva zaklikaje biełarusaŭ uvažliva płanavać svaje pajezdki praz Bałkany i zahadzia ŭličvać umovy dziejańnia šenhienskich viz. Infarmacyju pra mahčymyja ryzyki rekamiendujecca šyroka raspaŭsiudžvać praz turfirmy, ŚMI i zacikaŭlenyja arhanizacyi.
«Čarnahoryja nikomu nie choča davać prytułku». Biełaruska raskazała pra pieravahi i składanaści žyćcia ŭ hetaj krainie
Turcyja — ad 1600 jeŭra, Jehipiet — kala 1800 dołaraŭ, i «tanny» Tajłand. Kolki kaštuje letni adpačynak z vyletam ź Minska
«Heta šlach adzinočki». Biełarus bolšuju častku žyćcia pravodzić u vandroŭkach — naviedaŭ užo amal 500 abjektaŭ JUNIESKA
«Skazali, što ludzi ź vizami typu C nie zmohuć pierasiačy miažu». Na litoŭskich prapusknych punktach zdaryŭsia kałaps
Kamientary