Śpiecsłužby sprabujuć skraści akaŭnty biełarusaŭ, prapanujučy pahladzieć strym sustrečy ź Cichanoŭskim
U Vilni prajšła sustreča ź Siarhiejem i Śviatłanaj Cichanoŭskimi. Dziasiatki akaŭntaŭ, jakija raniej prapanavali špijonić za biełarusami na akcyi, ciapier sprabujuć skraści telehram-akaŭnty biełarusaŭ.
Kałaž «Našaj Nivy»
Niekalki akaŭntaŭ ad ranicy niadzieli raspaŭsiudžvajuć paviedamleńnie, u jakim napisana, što možna pahladzieć tranślacyju sustrečy ź Cichanoŭskimi:
Prykład paviedamleńnia ŭ adnym z čataŭ
Pa spasyłcy zašyty fišynhavy sajt. Jon prosić zajści ŭ telehram, vykarystoŭvajučy vašy źviestki. Paśla hetaha jon pieradaść hetyja źviestki tamu, chto vałodaje spasyłkaj:
Skrynšot fišynhavaha sajta
Učora hety ž akaŭnt («Maksim», id8080090354) šukaŭ ludziej na «padpracoŭku». Jon prapanoŭvaŭ fatahrafavać biełarusaŭ Litvy na sustrečy ź Cichanoŭskimi. Rascenki — 1 jeŭra za 1 tvar čałavieka.
U atacy siońnia zadziejničanyja jašče try akaŭnty ź inšymi ID — 7529962816, 7563627607 i 7566269452. Ad ranicy jany raspaŭsiudžvali afišu sustrečy ź Cichanoŭskimi ź inšym časam i miescam.
Taksama ŭčora raspaŭsiudžvalisia paviedamleńni, što kali pryjści ŭ paviljon Candy Pop u handlovy centr pa adrasie Hiedymina, 9 i pakazać nacyjanalnuju simvoliku, to vam daduć enierhietyčny napoj.
Prykład falšyvaj abviestki ŭ adnym z čataŭ.
Čytajcie taksama:
Śpiecsłužby prydumali novy sposab, jak źbirać fota biełarusaŭ zamiežža z sustrečy ź Cichanoŭskimi