Śpiecsłužby šukajuć fatohrafaŭ na mitynh Cichanoŭskich praz skradzieny akaŭnt aryštavanaj redaktarki Vikipiedyi
Volha Sitnik, viadomaja pad niknejmam Chomiełka, dahetul za kratami pa «spravie vikipiedystaŭ».
Siońnia ŭ čatach biełaruskaj dyjaspary źjavilisia dziasiatki paviedamleńniaŭ, dzie nieviadomyja šukali tych, chto budzie fatahrafavać biełarusaŭ na mitynhu Śviatłany i Siarhieja Cichanoŭskich u Varšavie — asabliva prosiać fota tvaraŭ. I hatovyja ščodra zapłacić.
Taksama skidali fejkavy anons mitynhu — ź niapravilnaj dataj i miescam (na im pisałasia, što sustreča ŭ 20 hadzin kala pomnika Piłsudskamu — nasamreč ža mitynh budzie a 19-j kala pomnika Kapierniku).
Bolšaść akaŭntaŭ pustyja. Ale niekalki paviedamleńniaŭ pra pošuk fatohrafaŭ napisanyja z akaŭnta redaktarki biełaruskaj Vikipiedyi Volhi Sitnik, zachoplenaha siłavikami. Heta vielmi padobna na počyrk HUBAZiK — jany i raniej pisali z akaŭntaŭ zatrymanych.
Volha Sitnik uniesła sotni tysiač pravak u Vikipiedyju i stvaryła tysiačy artykułaŭ dla jaje. Taksama Volha administruje biełaruski raździeł.
Jaje zatrymali ŭ mai 2025 hoda. Sutnaść abvinavačańniaŭ nieviadomaja, ale padobna, što Sitnik prachodzić pa kryminalnaj spravie ź inšymi administratarami biełaruskaj Vikipiedyi, jakija ciapier za kratami.
Aproč hetaha, pa čatach šukajuć psieŭdavałancioraŭ, kab «dapamahać» na mitynhu. Imavierna, za ŭsimi hetymi dziejańniami stajać biełaruskija śpiecsłužby.
«Naša Niva» — bastyjon biełaruščyny
PADTRYMAĆNieviadomyja sprabujuć naniać fatohrafa dla zdymki prysutnych na sustrečy ź Cichanoŭskim u Varšavie
Akaŭnt siłavikoŭ šukaje achvotnych pazdymać ludziej na forumie apazicyi. A ŭ inšych čatach papiaredžvaje, što heta niebiaśpiečna
Śpiecsłužby źbirajuć infarmacyju pa čatach dyjaspary. Najpierš šukajuć studentaŭ
Ciapier čytajuć
Novy staršynia Kanstytucyjnaha suda adpraviŭ syna vučycca na raźviedčyka ŭ akademiju HRU. A jak pačałasia vajna, chutčej zabraŭ z Rasii13
Kamientary